Gujarati News

અમેરિકાના ટેક્સાસ શહેરમાં એક અશ્વેત વ્યક્તિને દોરડે બાંધીને ફેરવનારા બે ઘોડેસવાર પોલીસે જોરદાર વિરોધનો સામનો કરવો પડ્યો હતો. સોશ્યલ મિડિયા પર આ ઘટનાનો ફોટો વાઇરલ થતાં હોબાળો મચી ગયો હતો.જો કે ટેક્સાસ પોલીસના વડા વર્નોન હેલેએ જાહેર માફી માગી લીધી હતી.     

   વાસ્તવમાં આ યુવાનને પોલીસ કારમાં પોલીસ સ્ટેશન લઇ જવાનો હતો પરંતુ ત્યાં પોલીસ કાર હાજર નહોતી. બે ઘોડેસવાર પોલીસ અધિકારી હાજર હતા. તેમણે આ યુવાનને દોરડે બાંધીને પગે ચાલીને પોલીસ સ્ટેશન આવવાની ફરજ પાડી હતી. આ ઘટનાની તસવીર સોશ્યલ મિડિયા પર મૂકાતાં આખાય અમેરિકામાં હોબાળો મચી ગયો હતો.હેલેએ એમ પણ કહ્યું હતું કે ભવિષ્યમાં આવી ઘટનાનું પુનરાવર્તન નહીં થાય એની હું ખાતરી આપું છું.