Gujarati News

Gujarati News

News of Wednesday, 8th January 2020

અમેરિકા: કાર પર બરફ ફેંકનાર બાળક પર ગુસ્સો કરી શખ્સે ગોળીમારી દેતા અરેરાટી મચી જવા પામી

નવી દિલ્હી :ઉત્તર અમેરિકાના વિસ્કોનસિન સ્ટેટ ખાતે એક શખ્સે તેની કાર પર બરફ ફેંકનારા બે બાળકોને ગુસ્સામાં ગોળી મારી દીધી હતી. પોલીસના જણાવ્યા મુજબ બે બાળકોએ એક શખ્સની કાર પર બરફના ગોળા મસ્તીમાં ફેંક્યા હતા. જો કે રોષે ભરાયેલા વ્યક્તિએ 12 વર્ષની બાળકી અને 13 વર્ષના બાળક પર ગોળી ચલાવી હતી. જો કે સદનસીબે આ બન્ને બાળકોને ફક્ત ઈજા પહોંચી છે અને હુમલો જીવલેણ નહીં હોવાનું પોલીસે જણાવ્યું હતું.

ઘટનામાં કેટલાક બાળકો રોડની બાજુ પર ઉભા રહીને બરફનો આનંદ લઈ રહ્યા હતા અને ત્યાંથી પસાર થતા વાહનો પર બરફના ગોળા ફેંકતા હતા. જો કે એક ટોયોટા કાર પર બે બાળકોએ બરફ ફેંક્યો હતો. જેને પગલે ડ્રાઈવરે બાળકોના ટોળા પર ફાયરિંગ કર્યું હતું. ફાયરિંગમાં બે બાળકોને શરીરના ભાગે ઈજા પહોંચી હોવાનું પોલીસે જણાવ્યું હતું. પોલીસ વિભાગે હુમલાખોરની શોધવામાં મદદ કરવા માટે લોકોને અપીલ કરી છે.

(5:38 pm IST)