Gujarati News

Gujarati News

News of Wednesday, 8th January 2020

૨૭૬ કિલોની બ્લુફિન ટુના માછલી ૧૩.૨૪ કરોડમાં વેચાઈ

વિનેગર મિશ્રિત ભાત સાથે ફળ, શાકભાજી અને સીફૂડ ભેગાં કરીને બનાવાતી સુશીની વાનગીઓ માટે જપાન મશહૂર છે. ટોકયોમાં એવી વિખ્યાત સુશી રેસ્ટોરાં ધરાવતા કિયોશી કિમુરા સીફૂડમાં જાણીતી ટુના માછલીની વાનગી પીરસવા માટે પણ જાણીતા છે. 'સુશીઝાનમાઇ'ચેઇન ઓફ રેસ્ટોરાંનું સંચાલન કરતી કંપનીના માલિક કિયોશી કિમુરા ૧ જાન્યુઆરીની વહેલી પરોઢે ટોકયોના મુખ્ય માછલી બજારમાં તાજી પકડાયેલી માછલીઓના લિલામમાં પહોંચ્યા હતા. એ હરાજીમાં તેમણે ૨૭૬ કિલો વજનની બ્લુફિન ટુના માછલી માટે અંદાજે ૧૩.૨૪ કરોડ રૂપિયા ચૂકવ્યા હતા.  નવા વર્ષમાં સૌપ્રથમ ટુના માછલીના ઓકશનમાં અધધધ ભાવે માછલી ખરીદવા, એમાંથી અવનવી વાનગી બનાવવા અને પોતાની રેસ્ટોરાંમાં પીરસવા માટે કિયોશી કિમુરા ફેમસ છે અને એટલે ટોકયોમાં તેમને 'ટુના કિંગ'ના હુલામણા નામે ઓળખવામાં આવે છે.

(4:03 pm IST)
  • રાજયના વિવિધ ગંભીર પ્રશ્નોની રજૂઆત માટે વિપક્ષી નેતા પરેશ ધાનાણી કોંગ્રેસનંુ પ્રતિનિધિ મંડળ રાજયપાલને મળશે : પરેશ ધાનાણીના નિવાસસ્થાને ધારાસભ્યો એકઠા થયા : ખેડૂતોને પાકવિમા, સરકારી શાળાઓ બંધ કરવાના મામલે અને નવજાત શિશુઓના મોત તેમજ મંદી, મોંઘવારી, બેરોજગારી, ખેડૂતોને દેવામાફી સહિતના મુદ્દાઓ લઈને રાજયપાલ આચાર્ય દેવવ્રત સાથે મુલાકાત કરશે access_time 5:18 pm IST

  • નાગરિકતા સંશોધન કાયદાના સમર્થનમાં ઉતરી અભિનેત્રી જુહી ચાવલા : બોલીવુડની અનેક હસ્તીઓએ સીએએ અને એનસીઆરનો વિરોધ કર્યો છે : દીપિકા પાદુકોણની જેએનયુની મુલાકાત બાદના વિવાદ વચ્ચે અભિનેત્રી જુહી ચાવલાએ ભાજપ સમર્થિત એક વિરોધ પ્રદર્શનમાં ભાગ લીધો : જુહીએ કહ્યું કે આપણામાંથી એવા કેટલા લોકોક હહે જૉ છેલ્લા પાંચ વર્ષમાં એકદિવસની પણ છૂટી લીધી નથી: એક આપણા વડાપ્રધાન છે છે સતત દેશને આગળ લાવવા પ્રયાસ કરે છે access_time 10:54 pm IST

  • વડોદરામાં એનએસયુઆઈ કાર્યકરો અને પોલીસ વચ્ચે ઘર્ષણ : ૩૫થી વધુ કાર્યકરોની અટકાયત : અમદાવાદમાં એબીવીપીના કાર્યકરો દ્વારા થયેલ હુમલાના વિરોધ પ્રદર્શન માટે સરદાર પટેલ પ્રતિમા પાસે રેલી દરમિયાન એનએસયુઆઈના કાર્યકરો અને પોલીસ વચ્ચે ઘર્ષણ થયુ હતું access_time 5:18 pm IST