Gujarati News

Gujarati News

News of Saturday, 7th December 2019

સોનાનું ટોઇલેટ બનાવનારા આર્ટિસ્ટનું ડકટ-ટેપ લગાવેલું કેળું ૮પ લાખ રૂપિયામાં વેચાયું

ન્યુયોર્ક તા. ૭: જો એક કેળું દિવાલ પર ચીપકાવીને મૂકેલું હોય તો એ તમે કેટલામાં ખરીદો? અમેરિકાના માયામી બીચ પર આવેલા એક આર્ટ એકિઝબિશનમાં એક કેળું દોઢ લાખ ડોલર એટલે કે લગભગ ૮પ.૮૧ લાખ રૂપિયામાં વેચાયું. કેળામાં બીજું કશું જ નહોતું, એને માત્ર ગ્રે રંગની ડકટ-ટેપથી ચિપકાવવામાં આવેલું. કોઇ કેળું આટલા અધધધ રૂપિયામાં કોઇ કેમ ખરીદે? એવો સવાલ કદાચ સામાન્ય લોકોને થઇ શકે, પરંતુ કલાના રસિકો માટે તો કેળું કોણે ગોઠવ્યું છે અને કયા એન્ગલથી ગોઠવ્યું છે જેની ચીજો પણ બહુ મહત્વની હોય છે. થોડાક સમય પહેલાં ૧૮ કેરેટનું સોનાનું ટોઇલેટ કમોડ બનાવનાર મોરિઝિઓ કેટેલન દ્વારા કેળાને ડકટ-ટેપ સાથે ચિપકાવવામાં આવ્યું છે. આ ભાઇએ પહેલાં હોટેલના રૂમમાં મૂકી શકાય એ માટે ખાસ પેઇન્ટિંગનો વિચાર કર્યો હતો અને એ માટે તેમણે તાંબા જેવા રંગથી રંગેલા કેળાનું પેઇન્ટિંગ તૈયાર કર્યું હતું. એમાંથી તેમને આવાં રિયલ કેળાંવાળાં ત્રણ ઇન્સ્ટોલેશન તૈયાર કરવાનો વિચાર આવ્યો અને માયામીના લોકલ માર્કેટમાંથી ખાસ ચુનંદા કેળાં લાવીને એને ડકટ ટેપ સાથે મૂકવામાં આવ્યા. શરૂઆતમાં લોકોને આ પ્રકારનું ઇન્સ્ટોલેશન કેમ કરવામાં આવ્યું છે. એ વિશે કુતુહલ હતું, પરંતુ પહેલું કેળું એક ફ્રેન્ચ મહિલાએ ૧,ર૦,૦૦૦ ડોલર એટલે કે ૮પ.૬પ રૂપિયામાં વેચાયું હતું. એ પછી તરત જ બીજું કેળું પણ ચપોચપ વેચાઇ ગયું. હવે ત્રીજું અને છેલ્લું કેળું વેચવાનું છે જેની કિંમત ૧,પ૦,૦૦૦ ડોલર એટલે કે ૧.૦૭ કરોડ રૂપિયા આંકવામાં આવી છે.

(11:35 am IST)
  • રાત્રે 11-40 કલાકે ઉન્નાવ ગેંગરેપ પીડીતાએ અંતિમ શ્વાસ લીધા:પીડિતા દેશની રાજધાની દિલ્હીના સફદરજંગ હોસ્પિટલમાં ખુબ જ નાજુક સ્થિતિમાં વેન્ટિલેટર પર હતી : ડોક્ટરોએ હરસંભવઃ કોશિશ કરી પરંતુ નિષ્ફ્ળ રહ્યાં : રાત્રે 8-30 બાદ પીડિતાની સ્થિતિ ખુબ જ ખરાબ બની હતી:હૈદરાબાદ ગેંગરેપના આરોપીઓનું આજે એન્કાઉન્ટર થયું જયારે ઉન્નાવ ગેંગરેપ પીડિતાને અપરાધીઓએ સળગાવી નાખી હતી : 20 વર્ષીય પીડિતાને લખનૌ હોસ્પિટલમાંથી ગ્રીન કોરિડોર બનાવી દિલ્હીમાં સારવાર માટે લવાઈ હતી access_time 1:09 am IST

  • વડોદરામાં લગ્ન કરવાની લાલચ આપી સગીર વયની બાળાનું અપહરણ કરી બળાત્કાર કરવા સબબ ઉત્તર પ્રદેશના શખ્સની ધરપકડ થઈ છે access_time 10:05 pm IST

  • હીરાનગર-પૂંછમાં તોપગોળોનો વરસાદઃ બેબાકળી બનેલા પાકિસ્તાની લશ્કર સતત યુધ્ધવિરામ ભંગ કરી રહી છેઃ એલઓસી ઉપર સૈનિકોનો ખડકલો : છેલ્લા થોડા દિવસોમાં પોતાના અનેક સૈનિકોનો સફાયો થતા પાકિસ્તાની સૈના ખળભળી ગઇ છે. અને સતત સીઝ ફાયર ભંગ કરી રહી છે. ગઇકાલથી જ પાકિસ્તાન તરફથી હિરાનગર અને આજે પૂંછમાં બેફામ-લગાતાર તોપગોળો વરસાવી રહેલ છે. સરહદ ઉપર લગાતાર સૈનિકો ખડકી રહેલ છે. સાબ્જિયાં, શાહપુર, કિરની, બાલાકોટ, તારકુંડી, હમીરપુર, બલનોઇ, લામ, ઝંગડ, ભવાની, કલાલ, સેકટરોમાં મોટી હિલચાલ જોવા મળે છે. access_time 4:29 pm IST