Gujarati News

Gujarati News

News of Thursday, 6th December 2018

અડધો અડધ પુરૂષો કિસને બેવફાઇ નથી માનતા

લંડન, તા. ૬ :  પોતાના પાર્ટનરથી છુપાઇને બીજી કોઇ વ્યકિત સાથે રોમેન્ટિક વાતચીત, ફલર્ટ કે કિસ કરવામાં આવે એમાં પ૦ ટકા પુરૂષોને બેવફાઇ નથી લાગતી. દરેક વ્યકિતની બેવફાઇની વ્યાખ્યા જુદી હોય છે. કોઇક વ્યકિત ફોન પર કે વ્યકિતગત ધોરણે બીજી કોઇ છોકરી સાથે ફલર્ટ કરવાને પણ બેવફાઇ માને છે તો કોઇક માત્ર બીજી વ્યકિત સાથે સુવાને જ બેવફાઇ માને છે. પાર્ટનરથી છુપાઇને કોઇની સાથે વાત કરવી, ફલર્ટ કરવું, સ્વીટહાર્ટ, જાનુ, બેબી જેવા પ્રેમાળ સંબોધનો કરવા, ચોરી છુપીથી કિસ કરી લેવી જેવી બાબતોને પચાસ ટકા પુરૂષો નોર્મલ સમજે છે. તમને એમાં કોઇ જ પ્રકાનો દગો કર્યાનું નથી લાગતુ. બ્રિટનના ડેટિંગ કોચ જેમ્સ અને એક ઇન્ટરનેશનલ રેડિયો-ચેનલ દ્વારા કરવામાં આવેલા આ સર્વેમાં ર૦૬૬ લોકોને સાંકળવામાં આવ્યા હતા. એમાં પ૦ ટકા પુરૂષોને પોતાની પાર્ટનર સિવાયની મહિલાને કિસ કરવામાં કોઇ આપતિ નહોતી. તેમના મતે એ બેવફાઇ નથી. આ સર્વેમાં ૭૩ ટકા મહિલાઓ બીજા પુરૂષોને કિસ કરવાને બેવફાઇ માનતી હતી. પચાસ ટકા પુરૂષોને સાઇબર સેકસમાં પણ કશું અનુચિત નહોતું લાગ્યું. સર્વેમાં ૯૧ ટકા લોકોએ બીજા સાથે સુવાને બેવફાઇ કહેવાય એવું કહ્યું હતું.  (૯.ર૦)

(4:04 pm IST)
  • રાજસ્થાનઃઈવીએમથી પરેશાન મોદીના મંત્રી મેઘવાલઃ સાડા ત્રણ કલાક લાઈનમાં ઉભા રહ્યા બાદ મતદાન કરી શકયા :૮ વાગ્યાના ઉભા'તા ૧૧.૩૦ કલાકે વારો આવ્યો access_time 3:28 pm IST

  • સોહરાબુદ્દીન એન્કાઉન્ટર કેસનો ૨૧મી ડિસેમ્બરે સ્પેશિયલ CBI કોર્ટમાં સંભળાવાશે ચુકાદો access_time 3:50 pm IST

  • જાતીય સતામણી કેસમાં ધરપકડ થયેલ મીકાસિંહનો સંયુક્ત આરબ અમીરાતમાં છુટકારો :17 વર્ષીય બ્રાઝીલીયન મોડલને વાંધાજનક ફોટા મોકલવાના કથિત ફરિયાદ બાદ ગાયક મીકાસિંહની ધરપકડ કરાઈ હતી :તેને બોલીવુડની ફિલ્મમાં કામ અપાવી દેવાનો પણ વાયદો કર્યો હતો :અબુધાબીના રાજદૂતના હસ્તક્ષેપ બાદ મીકાસિંહને મુક્તિ મળી ;હવે બાદમાં અદાલતમાં રજૂ થશે :મીકાસિંહની દુબઈમાં ધરપકડ કરાઈ હતી : ફરિયાદકર્તા પાસે અબુધાબીના વિઝા હોવાથી મીકાસિંહને અબુધાબી લઇ જવાયો હતો access_time 12:43 am IST