Gujarati News

નવી દિલ્હી:આજે દેશભરમાં દિવાળીનો તહેવાર ધામધૂમથી મનાવવામાં આવી રહ્યો છે.દુનિયાભરમાં પણ આ તહેવાર ઉજવવમાં આવે છે. નેપાળમાં લોકો થોડીક અલગ રીતે દિવાળી મનાવે છે.

નેપાળ અને ભારતના ઘણા ભાગમાં દિવાળીને તિહાર કહે છે. આ તહેવારમાં ખાસ રીતે કૂતરાની પૂજા કરવામાં આવે છે. આ તહેવારને મનુષ્ય અને કૂતરા વચ્ચેના સંબંધને લઈને મનાવવામાં આવે છે.

માત્ર કૂતરા જ નહી પરંતુ ઘણા લોકો કાગડા અને ગાયની પણ પૂજા કરે છે. તિહારના બીજા દિવસે કુકુર તિહાર મનાવવામાં આવે છે.નેપાળમાં આ તહેવાર પાંચ દિવસ સુધી મનાવવામાં આવે છે. કુકુર તીહારના દિવસે કૂતરાની પૂજા કરવામાં આવે છે એટલું જ નહી પરંતુ તેનું મનગમતું ભોજન પણ ધરવામાં આવે છે. કૂતરો પ્રત્યે પ્રેમ દર્શાવતા આ તહેવારની શરૂઆત ધનતેરસના દિવસે થાય છે.