Gujarati News

Gujarati News

News of Monday, 7th October 2019

ઊંચાઈ પરથી નીચે પાણીમાં પડયા ૮ હાથીઃ એકબીજાને બચાવવાના પ્રયાસમાં ૬ના મોત

જયાં આ ઘટના ઘટી તે પાણીના ઝરણાને સ્થાનિક ભાષામાં 'નરકના ઝરણા'ના નામે ઓળખવામાં આવે છે

બેંગકોક, તા.૭: થાઈલેન્ડના ખાઓ આઈ નેશનલ પાર્કમાં એક દુઃખદ ઘટના ઘટી છે. ત્યાં કેટલાંક હાથીઓ એક ઝરણામાં પડી જવાના કારણે મૃત્યુ પામ્યા છે. આ ઘટના ત્યારે બની કે જયારે હાથીઓનું એક ટોળું જઈ રહ્યું હતું અને તેમાંથી મદનિયું ઊંચાઈ પરથી નીચે પડ્યું. તેને બચાવવાના પ્રયાસમાં એક બાદ એક ૬ હાથી નીચે પડી જવાના કારણે મૃત્યુ પામ્યા છે.

જયાં આ ઘટના ઘટી તે પાણીના ઝરણાને સ્થાનિક ભાષામાં 'નરકના ઝરણા'ના નામે ઓળખવામાં આવે છે. વર્ષ ૧૯૯૨માં આ રીતે આઠ હાથીઓનું ટોળું આ જગ્યા પર ખતમ થઈ ગયું હતું.

થાઈલેન્ડના રાષ્ટ્રીય ઉદ્યાન, વન્યજીવન અને વન સંરક્ષણ વિભાગે જણાવ્યું કે શનિવારે બપોરે તેઓને આ વિશેની સૂચના મળી. આ વિભાગને જાણવા મળ્યું કે હાથીઓનું એક ટોળું ઝરણા પાસેથી પસાર થઈ રહેલા એક રસ્તા પાસે ઊભું છે. ત્યારબાદ કુલ ૬ હાથીના શબ ઝરણાના કિનારે જોવા મળ્યા.

ઘટનાસ્થળેથી બે હાથીઓને બચાવવામાં આવ્યા છે, તેઓની હાલત ગંભીર છે. આ હાથીઓની સામે જીવન જીવવામાં મુશ્કેલી જોવા મળી રહી છે કારણકે તેઓ તેમના ભોજન અને સુરક્ષા માટે ટોળા પર આધારિત હોય છે. બચેલા આ હાથીઓએ તેમનો પરિવાર ગુમાવ્યો છે. થાઈલેન્ડમાં આશરે ૭ હજાર હાથીઓ છે અને તે પૈકી અડધા કરતા ઓછા હાથી વનમાં ખુલ્લા રહે છે.

(10:01 am IST)
  • ડ્રગ્સ કેસમાં પૂર્વ ધારાસભ્ય ભાવસિંહ રાઠોડના પુત્ર દોષિતઃ ૧૦ વર્ષની સજા : પાટણઃ જિલ્લાના સમી હારીજના પૂર્વ ધારાસભ્ય ભાવસિંહ રાઠોડના પુત્ર કિશોરસિંહ રાઠોડની કરોડો રૂપિયાના ડ્રગ્સ કેસમાં એટીએસએ ધરપકડ કરી હતીઃ ત્યારબાદ આ પ્રકરણમાં કોર્ટે કિશોરસિંહ રાઠોડને દોષિત જાહેર કર્યા છે અને ૧૦ વર્ષની સજા ફટકારી છે access_time 4:22 pm IST

  • દેશની 49 હસ્તીઓ વિરુદ્ધ ફરિયાદ દાખલ કરનાર વકીલના નિશાના પર છે મુખ્યમંત્રી કેજરીવાલ અને ઇમરાનખાન : વકીલ સુધીરકુમાર ઓઝાએ વડાપ્રધાન મોદીના નામ પર ખુલ્લો પત્ર લખનાર 49 હસ્તીઓ વિરુદ્ધ એફઆઈઆર દાખલ કરવી છે : 1996થી અત્યાર સુધીમાં 745 પીઆઈએલ દાખલ કરાવનાર વકીલ સુધીર ઓઝા હવે કેજરીવાલે આરોગ્ય સબંધે કરેલ ટિપ્પણી અને યુનોમાં ઇમરાને કરેલ ભાષણ સામે મોરચો ખોલશે access_time 1:05 am IST

  • ડોનાલ્ડ ટ્રમ્પની તુર્કીને ખુલી ધમકી : કહ્યું સીરિયામાં હદ બહાર ગયા તો બરબાદ કરી નાખીશ : અમેરિકી રાષ્ટ્રપતિ ડોનાલ્ડ ટ્રમ્પએ સીરિયાથી લાગેલી તુર્કીની સીમાથી અમેરિકાના સૈનિકો હટાવાના નિર્ણંયને યોગ્ય ઠેરવતા કહ્યું કે ક્ષેત્રને સ્થિતિથી ખુદે નિપટવું જોઈએ : ટ્રમ્પએ એમ પણ કહ્યું કે જો સીરિયામાં તુર્કી હદ બહાર જાય તો તેની અર્થવ્યવસ્થાને બરબાદ કરી નાખશે access_time 1:11 am IST