Gujarati News

Gujarati News

News of Saturday, 7th July 2018

હવે સ્પાઈ કેમ પોર્ન વિરૂદ્ધમાં દક્ષિણ કોરિયામાં દેખાવ થયા

ફોટાઓ અને વીડિયો ઓનલાઈન વાઈરલ: કોરિયામાં સમસ્યા વધુ વિકરાળ બની ચુકી છે

સિયોલ,તા. ૭: દક્ષિણ કોરિયાના પાટનગર સિયોલમાં આજે હજારો મહિલાઓએ પોસ્ટર બેનર લઈને જોરદાર દેખાવો કર્યા હતા. આ મહિલાઓએ છુપા કેમેરાની મદદથી તેમના લેવામાં આવેલા ફોટાઓ અને વીડિયોને લઈને સરકાર સામે નારાજગી વ્યક્ત કરી હતી. સરકાર દ્વારા કાર્યવાહી કરવામાં આવે તેવી માંગ પણ ઉઠી હતી. દેખાવ કરી રહેલી મહિલાઓનું કહેવું છે કે દક્ષિણ કોરિયામાં આ સમસ્યાએ વિકરાળ સ્વરૂપ ધારણ કરી લીધું છે. જેના લીધે મહિલાઓ માનસિક દબાણની સ્થિતિમાં છે. સ્પાઈ કેમ પોર્નની સામે દક્ષિણ કોરિયામાં ૧૮ હજારથી પણ વધુ મહિલાઓ વિરોધ પ્રદર્શનમાં ઉતરી આવી છે. મહિલાઓ એવા પુરૂષ અપરાધીઓની સામે કઠોર કાર્યવાહી કરવાની માંગ કરી રહી છે જે તેમની જાણકારી વગર તેમના વાંધાજનક ફોટાઓ અને વીડિયો બનાવીને ઓનલાઈન વાઈરલ કરી રહ્યા છે. મોટાભાગની મહિલાઓએ આક્ષેપ કર્યો છે કે આ પ્રકારની અપરાધીઓ સામે તીવ્ર પગલા લેવાની જરૂર છે. દક્ષિણ કોરિયામાં બાથરૂમમાં છુપાવીને મુકવામાં આવેલા કેમેરાથી મહિલાઓના અંગત પળોના ફોટાઓ અને વીડિયો બનાવવામાં આવી રહ્યા છે. સબવે પર સ્કર્ટની અંદરના ફોટાઓ પણ પડાયા હોવાની ફરિયાદો ઉઠી રહી છે. આ ફોટાઓ અને વીડિયોને ઈન્ટરનેટ ઉપર મુકવામાં આવી રહ્યા છે. વ્યાપક સ્તર પર ચલાવવામાં આવી રહેલા સ્પાઈકેમ પોર્નની સામે મહિલાઓ દ્વારા જોરદાર પ્રદર્શન કરવામાં આવે છે. એવી બાબત ઉઠી રહી છે કે તમામ માનસિક અપરાધીઓ સામે કઠોર પગલાં લેવા સરકાર આદેશ જારી કરે. ફોન કેમેરાથી આ પ્રકારના ફોટાઓ પાડવામાં આવી રહ્યા છે. બેગ, શુઝ, ટોયલેટ, બાથરૂમના બારી બારણામાં નાનકડા સ્થળ પર આ પ્રકારના કેમેરા છુપાવવામાં આવી રહ્યા છે.

(9:49 pm IST)
  • અમારી સરકારમાં કોઈ યોજનાઓ લટકતી-ભટકતી-અટકતી નથીઃ રાજસ્‍થાનમાં ૨૧૦૦ કરોડની યોજનાઓનો શિલાન્‍યાસ કરતા મોદીઃ જંગી રેલીને સંબોધનઃ કોંગ્રેસ ઉપર પ્રહારો access_time 4:26 pm IST

  • વરસાદે સર્જી જાપાનમાં તારાજી : જાપાનના પશ્ચિમ વિસ્તારમાં જોરદાર પૂર તથા ભેખડો ધસી પડવાને કારણે આશરે ૫૦થી વધુ લોકોનાં મૃત્યુ થયાં છે અને સેકડો લોકો લાપતા થયા છે. મોટાભાગનાં મૃત્યુ હિરોશીમા પ્રદેશમાં થયાં છે. હિરોશીમા પ્રદેશમાં ગુરુવારથી મુશળધાર વરસાદ પડી રહ્યો છે અને હજ્જારો ઘરોને નુકસાન થયું છે. આશરે 15 લાખ લોકોને તેમના ઘર છોડીને સલામત સ્થળે જતા રહેવાનો આદેશ આપવામાં આવ્યો છે. હજ્જારો પોલીસ કર્મચારીઓ, ફાયર ફાઈટર્સ અને સૈનિકો શોધ તથા બચાવ કામગીરીમાં જોડાયા છે. આગામી કેટલાક દિવસોમાં વધુ વરસાદ પડવાની આગાહી પણ કરવામાં આવી છે. access_time 11:12 pm IST

  • વિશ્વ હિંદુ પરિષદે ફરીથી એકવાર અયોધ્યામાં રામ મંદિર બનાવવાના મુદ્દા અંગે સરકાર પર દબાણ કરવાનું શરૂ કરી દીધુ છે. વિહિપે સરકારને રામજન્મભૂમિ-બાબરી મસ્જિદ વિવાદને ઉકેલવા માટે ઓગસ્ટ, 2018 સુધીનો સમય આપ્યો છે. જો આનો કોઈ ઉકેલ નહિ નીકળે તો વિહિપ આને મોટા નેતાઓ સામે લઈ જશે જેમાં સંગઠનના શક્તિશાળી પદાધિકારીઓ સાથે સાધુ-સંતો પણ શામેલ હશે. access_time 1:19 am IST