Gujarati News

Gujarati News

News of Wednesday, 7th April 2021

કોરોના કર્ફયુનો ભંગ કર્યો તો પોલીસે કરાવી ૩૦૦ ઉઠક બેઠક : વ્યકિતનું ગણતરીની પળોમાં મોત

મનીલા,તા.૭:  ફિલિપાઈન્સમાં એક વ્યકિતનો કોરોના કર્ફ્યૂ તોડવો પોલીસવાળાઓને એટલો ખટકી ગયો કે તેમણે તે વ્યકિતને ૧૦૦ ઉઠકબેઠક કરવાની સજા ફટકારી. ઓન ધ સ્પોટ સજા આપવામાં તેઓ સફળ રહ્યાં પરંતુ આમ છતાં તે વ્યકિતનો જુસ્સો તૂટ્યો નહીં અને તે હસતો જ રહ્યો. તો પોલીસકર્મીઓએ સજા ત્રણ ગણી વધારી દીધી. તેની પાસે ત્રણસોવાર ઉઠકબેઠક કરાવી અને પછી છોડી દીધો. પરંતુ જયારે તે વ્યકિત ઘરે પહોંચ્યો તો સતત તેની તબિયત બગડતી ગઈ. પછી તો ગણતરીના કલાકોમાં તેનું મોત થયું.

ફિલિપાઈન્સમાં કોરોનાના વધતા કેસ જોતા કડક કર્ફ્યૂ લાગુ કરાયો છે. જો કે ડેરેન પેનારેડોન્દો (૨૮)એ મજબૂરીમાં ઘરમાંથી બહાર નીકળવું પડ્યું. કારણ કે તેના ઘરમાં પાણી ખતમ થઈ ગયું હતું. આવામાં તે સ્થાનિક પોલીસને હાથ ચડી ગયો. ત્યારબાદ પોલીસવાળાએ તેને ઉઠક બેઠક કરાવી અને અમાનવીય વર્તણૂંકનો પરિચય કરાવ્યો. જેના કારણે તેનો જીવ જતો રહ્યો.

આ ઘટના ૧ એપ્રિલની છે. જયારે રાતના સમયે ડેરેન પેનારેડોન્દો પાણી લેવા માટે ઘરની બહાર નીકળ્યો હતો. ડેઈલી મેઈલના અહેવાલ મુજબ ફિલિપાઈન્સમાં કોરોનાના વધતા કેસ જોતા સાંજે ૬ વાગ્યા બાદ કર્ફ્યૂ લગાવી દેવામાં આવ્યો છે. જો લોકો આ કર્ફ્યૂનો ભંગ  કરતા જોવા મળે તો પોલીસ તેમને ઓન ધ સ્પોટ સજા આપે છે. જો કે ફિલિપાઈન્સ પોલીસના આ વર્તનની આંતરરાષ્ટ્રીય સ્તરે ખુબ ટીકા થઈ રહી છે. આ સમગ્ર મામલે ઉચ્ચાધિકારીઓએ સ્થાનિક પોલીસ વિરુદ્ઘ કાર્યવાહીની વાત કરી છે.

ફિલિપાઈન્સની કુલ વસ્તી ૧૦૭ મિલિયન છે. અહીંની રાજધાની મનીલાના જ મેટ્રોપોલિટલ રીજનમાં દરરોજ ૧૦ હજારથી વધુ કેસ સામે આવી રહ્યા છે. ત્યારબાદ સરકારે મજબૂરીમાં આકરો કર્ફ્યૂ લાદવો પડ્યો છે. જો કે સરકારની ટીકા એટલા માટે થઈ રહી છે કારણ કે દેશમાં સ્વાસ્થ્ય વ્યવસ્થા કથળી ગઈ છે.

(10:09 am IST)
  • રાજકોટ શહેર - જિલ્લામાં આજે પણ કોરોનાનો કાતિલ કહેર : ગઈકાલે સવારે 8 થી આજે સવારે 8 વાગ્યા સુધીમાં 24 લોકોના સરકારી ચોપડે દુઃખદ મૃત્યુ નોંધાયા : લોકો ધ્રુજી ઉઠ્યા : આજ સવાર સુધીમાં સરકારી અને ખાનગી હોસ્પિટલોમાં 393 બેડ ઉપલબ્ધ access_time 11:16 am IST

  • કર્ણાટક હાઇકોર્ટે ટેકસ ચોરીના સંબંધમાં દિગ્ગજ કોંગ્રેસી નેતા ડી.કે.શિવકુમાર વિરૂધ્ધ ઇન્કમટેકસ વિભાગ દ્વારા દાખલ ત્રણ ગુનાહિત કેસ રદ કર્યા : ન્યાયાધીશ જ્હોન મીશેલ કુન્હાએ જણાવ્યુ હતું કે શિવકુમાર વિરૂધ્ધ શરૂ કરેલી કાર્યવાહી કાયદા માટે ખરાબ છે અને ફોજદારી કાર્યવાહીની સંહિતા અને આવકવેરા અધિનિયમની જોગવાઇઓ વિરૂધ્ધ છે. access_time 12:37 pm IST

  • મધ્યપ્રદેશના તમામ શહેરોમાં રાત્રી કર્ફ્યુ : દર રવિવારે લોકડાઉન : છીંદવાડા જિલ્લામાં સાત દિવસ સુધી સંપૂર્ણ લોકડાઉન લાગુ : શાજાપુરમાં રાત્રે 8 વાગતાથી બે દિવસ માટે સંપૂર્ણ લોકડાઉન લાગુ : તમામ સરકારી ઓફિસો મહિના સુધી સપ્તાહમાં પાંચ દિવસ ખુલશે. મુખ્યમંત્રી શિવરાજ સિંહ ચૌહાણની અધ્યક્ષતામાં યોજાયેલી બેઠકમાં લેવાયો નિર્ણંય access_time 12:39 am IST