Gujarati News

Gujarati News

News of Thursday, 6th December 2018

ચેરીટી માટે આખુ ગામ નગ્ન થયું : બનાવ્યું કેલેન્ડર

નાણા ભેગા કરવા અનોખો રસ્તો

લંડન તા. ૬ : આઈવેડ નામના એક ગામમાં રહેતા લોકોએ નગ્ન થઈને ફોટોશૂટ કરાવ્યું હતું. તમે એ વિચારી રહ્યાં હશો કે આખા ગામને નગ્ન થઈને ફોટોશૂટ કરાવવાની શું જરૂર હતી.? હકીકતમાં આ ફોટોશૂટ એક કેલેન્ડર માટે કરવામાં આવ્યું હતું. જેનો હેતુ ચેરિટી માટે ધન એકઠું કરવાનો હતો. આ કાર્યક્રમમાં ગામના ૨૪ લોકોએ ભાગ લીધો હતો. જેમાંથી એક માળી, પર્સનલ ટ્રેઈનર અને મેકેનિકનો સમાવેશ થતો હતો.

આ ફોટોશૂટમાં ફોટોગ્રાફર્સે પણ ભાગ લીધો હતો. એક રિપોર્ટ અનુસાર આઈવેડ ફોટોશૂટ ૨૦૧૯નું આયોજન બાળકોની દેખરેખ માટે ધન એકઠાં કરવાના ઉદ્દેશ્યથી યોજાયું હતું. આ આઈડિયા લોરા ચીઝમેન નામની એક બ્યૂટિશ્યિનનો હતો. ૩૯ વર્ષની લોરા ગામમાં આશરે ૧૫ વર્ષથી રહે છે. તેણે કહ્યું કે,'મને બે અઠવાડિયા પહેલા જ આ વિચાર આવ્યો તો અમે ફેસબુક પર શેર કર્યો. આ કાર્યક્રમમાં ભાગ લેવા માટે અનેક લોકો આવ્યાં હતાં. હું ઈચ્છતી હતી કે કંઈક એવું કરું જેનાથી લોકો ખુશ થાય અને એકસાથે આવે.'

લોરાએ કહ્યું કે ઠંડીને કારણે અનેક લોકોએ પરેશાની થશે તેવું જણાવ્યું હતું પરંતુ દરેક લોકોએ સાથ આપ્યો અને કપડા ઉતાર્યાં હતાં. ગામના એક વ્યકિતએ જણાવ્યું કે, 'મને આવું કરવામાં શરમ આવી પરંતુ જયારે મને જાણ થઈ કે બાળકો માટે આવું કરવામાં આવી રહ્યું છે ત્યારે મેં પણ ઉત્સાહથી ભાગ લીધો હતો.' તેણે કહ્યું કે પહેલીવાર તે નેકેડ થયો હતો કારણકે આ કામ ભલાઈનું હતું. પહેલીવાર આશરે ૧૦૦ કેલેન્ડર છાપવામાં આવશે. જેનાથી ૧૨૦૦ યુરોની કમાણી થઈ શકે છે.

(9:55 am IST)
  • ભાવનગરના વરતેજ પાસે ગેરકાયદેસર દબાણ હટાવવાની કામગીરી શરૂ : પોલીસ કાફલો ધટનાસ્થળે : કોંગ્રેસના આગેવાનો પણ દોડી આવ્યા : દબાણ હટાવાનુ બંધ કરાવવા કોંગ્રેસ નેતા દોડી આવ્યા : નોટિસ વિના દબાણ હટાવવા આવ્યા હોવાનો અાક્ષેપ access_time 11:24 pm IST

  • લોક રક્ષક દળ પેપર લીક કૌભાંડઃ એટીએસે વધુ ૨ ને ઝડપી લીધા : રાજકોટ સીઆઈડી અને એટીએસ દ્વારા વડોદરા આસપાસ તપાસનો મોટો ધમધમાટ ચાલુ છેઃ એટીએસ દ્વારા પોલીસ કોન્સ્ટેબલ પરીક્ષાના પેપર લીક કૌભાંડમાં વધુ ૨ ની ધરપકડો કરી ગાંધીનગર લઈ જવાયા છે એટીએસએ વોચ ગોઠવી આ ધરપકડો કરી છે access_time 3:36 pm IST

  • અમદાવાદ: આસારામ સામે નોંધાયેલા બળાત્કારના કેસમાં સાક્ષીઓના નિવેદનના મુદ્દાને લઈને હાઇકોર્ટમાં થઇ અરજી:વિરોધાભાસી નિવેદનો કોર્ટને બતાવવા અંગે આરોપી તરફથી થયેલી રજૂઆતને ટ્રાયલ કોર્ટે ફગાવતા હાઇકોર્ટમાં થઇ અરજી:હાઈકોર્ટે તપાસ સંસ્થા અને અન્ય પક્ષકારોને ઇશ્યુ કરી નોટિસ:સરકારે જવાબ રજૂ કરવા માટે માંગ્યો સમય: ૧૧ ડિસેમ્બરે હાથ ધરાશે સુનવણી access_time 2:40 pm IST