Gujarati News

નવી દિલ્હી: ફ્લાઈટની સફર દરમિયાન અવારનવાર પેસેન્જર્સ દારૂ પીને અવનવી હરકતો કરતા જોવા મળે છે અને આ બાદ, તેમને ગંભીર પ્રતિબંધો અને પોલીસ કસ્ટડીનો સામનો કરવો પડે છે. આ સાથે જ તેઓ અન્ય પેસેન્જર્સની સફરનો મૂડ પણ ખરાબ કરે છે. ઘણાંખરા પેસેન્જર્સ તો દારૂના નશામાં ફ્લાઈટના ઈમરજન્સી ગેટને ખોલતા પહેલા પણ પકડાઈ ચૂક્યા છે.

અમેરિકામાં ફિલાડેલ્ફિયાથી મિયામી જતી ફ્લાઈટમાં આવી જ એક ઘટના બની હતી. નશાની હાલતમાં ચૂર પેસેન્જરે ફ્લાઈટ એટેન્ડેન્ટને મુક્કા મારવાની સાથે બે મહિલા ફ્લાઈટ એટેન્ડન્ટ્સના સ્તનને સ્પર્શ કરીને છેડછાડ કરી હતી. બાદ, પુરુષ કર્મચારી તેના આ બિહેવિયરથી ગુસ્સે ભરાયો હતો અને તેને તેની સીટ પર પકડીને બાંધી દેવામાં આવ્યો. 22 વર્ષીય પેસેન્જર, મેક્સવેલ બેરીની મિયામી ઇન્ટરનેશનલ એરપોર્ટ પર ઉતરતાં જ ધરપકડ કરવામાં આવી હતી. સોશિયલ મીડિયા પર શેર કરવામાં આવેલ વીડિયોમાં આ યુવક સહયાત્રીઓ પર બૂમો પડતો નજર આવ્યો હતો..