Gujarati News

Gujarati News

News of Saturday, 6th March 2021

અફઘાનિસ્તાનના બદખ્શાં પ્રાંતમાં ભારે હિમસ્ખલનથી 14 લોકોના મોત નિપજ્યા હોવાની માહિતી

નવી દિલ્હી: અફઘાનિસ્તાનના બદખ્શાં પ્રાંતમાં ભારે હિમસ્ખલન થતાં 14 લોકોના મોત થયા હતા. જ્યારે અન્ય પાંચ જણ ઘવાયા હતા. ગુરૂવારે રધિસ્તાન જિલ્લાના જરાંદબ ગામમાં ભૂસ્ખલન થયું હતું.

તાલિબાનોના આધિપત્યવાળા આ વિસ્તારમાં દુર્ઘટનામાં ફસાયેલા લોકોને મદદ કરવાના પ્રયાસો થઇ રહ્યા છે. અફઘાનિસ્તાનમાં હિમસ્ખલનની આ કંઇ પ્રથમ પ્રાકૃતિક હોનારત નથી. અગાઉ પણ દેશમાં થયેલા ભૂસ્ખલનમાં સેંકડો લોકોએ જીવ ગુમાવ્યા છે. અગાઉ, 4-6 ફેબુ્રઆરી, 2017 દરમિયાન અફઘાનિસ્તાન-પાકિસ્તાન સરહદે વસેલા ગામડાઓમાં ત્રણ દિવસ સુધી ભારે બરફવર્ષા થયા બાદ શ્રેણીબધ્ધ હિમસ્ખલનની ઘટનાઓ થઇ હતી, જેમાં 114 લોકો માર્યા ગયા હતા. આ પૈકી 100 જણ અફઘાનિસ્તાનના હતા આ 100 જણમાંથી 50 નાગરિકો એક જ ગામના હતા. આ દુર્ઘટનાને પગલે મધ્ય અને ઇશાન પ્રાંતોમાં સેંકડો મકાનો ધરાશાયી થઇ ગયા હતા. એ અગાઉ 2015 માં દેશના પંજશીર પ્રાંતમાં થયેલા હિમ સ્ખલનમાં 100 થી વધુ લોકોના મોત થયા હતા.

(5:34 pm IST)
  • યોગી આદિત્યનાથ સરકાર દુનિયાભરના રામ ભક્તોને એક અનોખી ભેટ આપવા જઈ રહી છે. રામાયણ ના વૈશ્વિક એનસાયકલોપેડિયાની પ્રથમ આવૃત્તિ પ્રકાશન માટે તૈયાર થઈ ગઈ છે. સીએમ યોગી આદિત્યનાથ, જાનકી નવમીના અવસરે આ ઐતિહાસિક આવૃત્તિનું વિમોચન કરશે. access_time 11:11 pm IST

  • સુરતમાં પ્રતિબંધિત સંગઠન સીમીના કેસમાં તમામ ૧૨૭ આરોપીઓ નિર્દોષ જાહેર : ૧૨૭માંથી ૫ આરોપીઓના મોત થઈ ચૂકયા છે : તમામ સામે અનલો-એકટીવીટી હેઠળ કેસ ચાલુ હતો : ૨૧ વર્ષ જૂના કેસમાં કોર્ટ દ્વારા આજે મહત્વનો ચુકાદો આપવામાં આવ્યો છે : તમામ આરોપીઓને નિર્દોષ જાહેર કરવામાં આવ્યા છે : ૨૦૦૧માં અઠવા પોલીસે કેસ નોંધ્યો હતો access_time 1:13 pm IST

  • અયોધ્યામાં શ્રી રામ મંદિર નિર્માણ માટે અત્યાર સુધીમાં 10 કરોડ પરિવારોએ રૂ. 2500 કરોડની જંગી સહાય આપી છે - રામજન્મભૂમિ તીર્થ ક્ષેત્ર ટ્રસ્ટના અધ્યક્ષ access_time 8:22 pm IST