Gujarati News

Gujarati News

News of Saturday, 6th March 2021

બનાવટી બાવડાં બનાવવાનું રશિયન યુવકને ભારે પડયું

મોસ્કો, તા.૬: ૯૦ના દાયકામાં કાર્ટૂન નેટવર્કની જેમને ઘેલછા હશે એ બાળદર્શકો બાવડાં બતાવતા પાત્ર પોપાઇથી અચૂક પ્રભાવિત થયા હશે. પોપાઇ પાલકમાંથી તાકાત મેળવતો અને દુશ્મનોને પછાડતો. પોપાઇનાં બાવડાં બાળકોના દિલોદિમાગ પર છવાઈ ગયાં હતાં. આવા જ પોપાઇથી પ્રભાવિત ૨૦ વર્ષના કિરિલ ટેરેશીને થોડાં વર્ષ પહેલાં હાથમાં ૩ લિટર જેલી ભરીને બનાવટી બાવડાં બનાવ્યાં હતાં. તેનાં બાવડાંએ તેને રાતોરાત પ્રસિદ્ઘિ અપાવી હતી અને થોડા સમય માટે સોશ્યલ મીડિયા સેન્સેશન બનાવી દીધો હતો. જોકે તેનાં બાવડાંમાં ભરવામાં આવેલી કાર્ટૂન જેવી પેટ્રોલિયમ જેલી સખત થવા માંડતાં પોતે કરેલી ભૂલનો તેને અહેસાસ થયો હતો. એક તબક્કે ડોકટરોએ જોખમ વ્યકત કરતાં કહેલું કે જો કિરિલનાં બાવડાંમાંથી પેટ્રોલિયમ જેલી કાઢવામાં નહીં આવે તો તે હાથ ગુમાવશે અથવા તેનું મૃત્યુ થશે. એને પગલે ૨૪ વર્ષની વયે તેણે તેનાં બાવડાંમાંથી પેટ્રોલિયમ જેલી તેમ જ મૃત સ્નાયુઓ કાઢવા માટે સર્જરી કરાવવી પડી હતી.

(10:14 am IST)
  • ટીમ ઈન્ડિયા ૩૬૫ રનમાં ઓલઆઉટઃ સુંદર (૯૬ રન નોટઆઉટ) સદી ચૂકયો : ૧૫૮ રનની મહત્વની લીડ : અમદાવાદ ટેસ્ટના ત્રીજા દિવસે ભારત ૧૧૪.૪ ઓવરમાં ૩૬૫ રન બનાવી ઓલઆઉટ થયુ છે : સુંદર અને અક્ષર પટેલે શાનદાર બેટીંગનું પ્રદર્શન કરી ભારતને વિનીંગ પોઝીશનમાં લાવી દીધુ છે : કમનસીબે અક્ષર પટેલ ૪૩ રને આઉટ થયા બાદ ઈશાંત અને સિરાજ પણ આઉટ થઈ ગયા હતા : સુંદર સદી ચૂકી જતા નિરાશ થયો હતો તે ૯૬ રને નોટઆઉટ રહ્યો હતો : ઈંગ્લેન્ડના બોલરો સ્ટોકસ ૪, ઍન્ડરસન ૩, લીચને ૨ વિકેટ મળી છે : ભારતને ૧૫૮ રનની મહત્વની લીડ મળી છે access_time 11:35 am IST

  • અમદાવાદ : ભારતીય જનતા પક્ષના શહેર પ્રમુખો અને મોરચા સેલના હોદ્દેદારો સાથે પક્ષપ્રમુખ સી.આર. પાટીલ, પક્ષના મહામંત્રી ભીખુભાઈ દલસાણીયા સહિતના આગેવાનોની વર્ચ્યુઅલ મીટીંગમાં તમામ સ્તરેથી વડીલોને વેક્સીનેશન માટે પ્રેરીત કરવા અને જરૂર પડે ત્યા વેક્સીનેશન બુથ સુધી લઈ જવા આદેશ અપાયાનું જાણવા મળે છે access_time 3:27 pm IST

  • ચીને સંરક્ષણ બજેટ વધારીને ૨૦૯ અબજ ડોલર કર્યું:ચીને સંરક્ષણ બજેટને પહેલીવાર ૨૦૦ અબજ ડોલરથી વધુ રકમ સુધી વધાર્યું ચીનનું સંરક્ષણ બજેટ ભારતથી ૩ ગણું વધારીને ૨૦૯ અબજ ડોલર કરાયું: એશિયામાં શસ્ત્ર દોટ વધવાની શકયતા access_time 12:46 am IST