Gujarati News

નવી દિલ્હી: ઈટાલીમાં ડ્રગ માફિયાઓએ નેપલ્સ શહેરના એમ્બ્યુલન્સ ડ્રાઇવર્સને ચેતવણી આપી દીધી છે કે તેઓ પોતાની એમ્બ્યુલન્સમાં સાયરન અને ફ્લેશિન્ગ લાઇટ્સનો ઉપયોગ ન કરે. ઉલલેખનીય છે કે ઇટાલીની લોકલ ગેંગ અને માફિયાને સાયરન અને એમ્બ્યુલન્સ લાઇટ્સ એટલે પસંદ નથી કેમકે આ સાયનથી ડ્રગ્સ માફિયા ઘણીવાર કન્ફ્યૂઝ થઈ જાય છે કે પોલીસ તો નથી આવી ગઇ ને? તેના કારણે ડ્રગ્સ માફિયાઓના કસ્ટમર પણ ઘણીવાર ડરી જાય છે અને એવી પરિસ્થિતિઓના કારણે આ લોકોના બિઝનેસને નુકસાન પહોંચી રહ્યું છે.

             નેપલ્સ શહેરમાં એક મેડિકલ વર્કર ઇમરજન્સીમાં દર્દી માટે એમ્બ્યુલન્સ ચલાવીને જઈ રહ્યો હતો એ દરમિયાન આ હેલ્થ વર્કરે સાયરન ચાલુ રાખ્યું હતું. થોડીવારમાં બે લોકો મોટરસાઇકલ પર સવાર થઈને આવ્યા અને એમ્બ્યુલન્સની બારી ખખડાવવા લાગ્યા અને એમ્બ્યુલન્સવાળાને જીવથી મારી નાખવાની ધમકી આપવા લાગ્યા. જ્યારે આ મેડિકલ વર્કરે ગાડી રોકી તો એક ગેંગના સભ્યએ કહ્યું કે, તને ખબર નથી કે અહીં સાયરન ચલાવવાની મનાઈ છે. આને બંધ કર નહીં તો આજ સમયે તને ગોળીથી ઉડાવી દઇશું.