Gujarati News

Gujarati News

News of Tuesday, 5th June 2018

એકાંતરે એકટાણું કરવાથી વજન ઝટપટ ઘટે

વોશિંગ્ટન તા. ૫ : શિકાગોની યુનિ.ના અભ્યાસકર્તાઓનું કહેવું છે કે દર બીજા દિવસે વ્રત કરવાથી વજન ઝડપથી ઘટે છે. બાર સપ્તાહના અભ્યાસમાં રિસર્ચરોએ પાર્ટિસિપન્ટ્સને એક દિવસ નોર્મલ ખાવાનું આપીને દર બીજા દિવસે એકટાણું કરાવડાવ્યું. આ એક વખતના ભોજનમાં ડેઇલી કેલરીની જરૂરિયાતના માત્ર રપ ટકા જેટલી કેલરી આપવામાં આવી.

મતલબ કે જે દિવસે એકટાણું કરવાનું હોય ત્યારે ભોજનમાં માત્ર ૪૦૦થી ૬૦૦ કેલરી જ મળે એવું ભોજન અપાયું, એમાં ૩૦ ટકા કેલરી ફેટમાંથી, ૧પ ટકા પ્રોટીનમાંથી અને પપ ટકા કાર્બોહાઇડ્રેટમાંથી મળે એ રીતે વાનગીઓ આપવામાં આવી હતી. વ્રતના દિવસે પણ થોડુંક ખાધું હોવાથી પાર્ટિસિપન્ટ્સને સાવ જ ભૂખ્યા રહેવું પડ્યું હોવાનું ફીલ ન થયું. એ ઉપરાંત બાર વીકના અંતે તેમના વજનમાં ૧૧ ટકા જેટલો ઘટાડો થયો હતો.

(3:50 pm IST)
  • હવાઇના બિગ આઇલેન્ડ પર છેલ્લાં એક મહિનાથી સક્રિય કિલાઉ જ્વાળામુખીમાં બ્લાસ્ટ હજુ પણ યથાવત: હવાઇ ઓથોરિટી મુજબ અહીં ડઝનથી વધુ નાગરિકો લાવાના કારણે ફસાયેલા છે:બિગ આઇલેન્ડના નાગરિકોને 24 કલાકમાં જ આ સ્થળ ખાલી કરી દેવાના આદેશ :તમામ લોકો વીજળી, સેલફોન કવરેજ વગર, ઉપરાંત પીવાના પાણી વગર રહે છે. access_time 1:22 am IST

  • સીરિયાના રાષ્ટ્રપતિ બસર અલ-અસદ ઉત્તર કોરિયાની મુલાકાત લેશે :વર્ષ 2011માં સત્તા સંભાળ્યા બાદ પ્રથમ વખત કિમ જોંગ-ઉને કોઈ દેશના સર્વોચ્ચ પદાધિકારીનું સ્વાગત કરશે:વર્ષ 1966માં સીરિયા સાથે ઉત્તર કોરિયાએ રાજદ્વારી સંબંધો સ્થાપ્યા હતા: ઉત્તર કોરિયાએ 1973ના આરબ-ઇઝરાયલ યુદ્ધમાં સેના અને હથિયાર બન્ને મોકલ્યા હતા access_time 1:26 am IST

  • ટેકનીકલ કારણોસર અમદાવાદ, ભાવનગર, સુરત ફલાઈટ એક સપ્તાહથી બંધ : ટેકનીકલ કારણોસર અમદાવાદ, ભાવનગર, સુરત વચ્ચેની ફલાઈટ એક અઠવાડીયાથી બંધ છે. એર ઓડીસા દ્વારા ફલાઈટ પુનઃ શરૃ કરવામા આવે તે માટે ભાવનગર ચેમ્બર્સ ઓફ કોમર્સ દ્વારા શિક્ષણ મંત્રીને રજૂઆત કરવામાં આવી છે. આ ફલાઈટમાં ભાવનગરથી સુરતનું વિમાની ભાડુ ૨૦૦૦ રૂ. રાખવામાં આવેલ પરંતુ હવે આ ભાડુ વધારીને ૩૦૦૦ કરવામાં આવ્યુ છે access_time 4:52 pm IST