Gujarati News

Gujarati News

News of Tuesday, 5th June 2018

પેરાગ્લાઇડર આકાશમાંથી વૃક્ષ પર પડ્યો અને ડાળી ખભાની આરપાર નીકળી ગઇ

બેલારૂસના લોશાની ગામ નજીક ઇવાન કેસોવ્સ્કી નામના ૩૬ વર્ષના પેરાગ્લાઇડરનો ભયાનક અકસ્માત થયો હતો. તે હવામાં ખાસ્સા હજારો ફુટ ઊચે હતો ત્યારે અચાનક જ તેની પેરેશૂટમાં ગરબડ થતાં તે નીચે આવેલા ગાઢ જંગલમાં પટકાયો હતો. નસીબજોગે તે એક વૃક્ષ પર પડ્યો એટલે ડાયરેકટ જમીન પર પછડાવાને કારણે થતું નુકસાન અટકી ગયું. કમનસીબે તે જ્યારે પડ્યો એ વખતે સ્પીડ એટલીબધી હતી કે વૃક્ષની ઊભી ડાળી તેના જમણા ખભામાં ઘૂસી ગઇ. બચાવકર્તાઓએ ઇવાનને કાઢવા માટે વૃક્ષની ડાળીઓ બેઉ તરફથી કાપી હતી અને ખભામાં ઘોંચાયેલી ડાળી સાથે જ તેને હોસ્પિટલ પહોંચાડવામાં આવ્યો. પાઇન વૃક્ષની ડાળી તેના શરીરમાં ઘૂસી ગઇ છે એવી તેને શરૂઆતમાં ખબર પણ નહોતી પડી. જો કે હવે એને રિમૂવ કરવા માટે ડોકટરો સર્જરી કરશે અને હવે તેને ખૂબ દૂખાવો થઇ રહ્યો છે.

(3:49 pm IST)
  • ટેકનીકલ કારણોસર અમદાવાદ, ભાવનગર, સુરત ફલાઈટ એક સપ્તાહથી બંધ : ટેકનીકલ કારણોસર અમદાવાદ, ભાવનગર, સુરત વચ્ચેની ફલાઈટ એક અઠવાડીયાથી બંધ છે. એર ઓડીસા દ્વારા ફલાઈટ પુનઃ શરૃ કરવામા આવે તે માટે ભાવનગર ચેમ્બર્સ ઓફ કોમર્સ દ્વારા શિક્ષણ મંત્રીને રજૂઆત કરવામાં આવી છે. આ ફલાઈટમાં ભાવનગરથી સુરતનું વિમાની ભાડુ ૨૦૦૦ રૂ. રાખવામાં આવેલ પરંતુ હવે આ ભાડુ વધારીને ૩૦૦૦ કરવામાં આવ્યુ છે access_time 4:52 pm IST

  • બનાસકાંઠા ;રાજસ્થાનના RTO દ્વારા હપ્તા માટે ટ્રક ડ્રાયવરને રોકી રાજસ્થાન પરિવહન વિભાગ હપ્તા માંગણી કરતો વિડીયો વાયરલ :ગુજરાત-રાજસ્થાન બોર્ડર પર ટ્રક ડ્રાયવરો અને RTO વચ્ચે થઇ ઝપાઝપી :દારૂના નશામાં RTO વિભાગના કર્મચારીઓ ટ્રક કરી રહ્યા છે હેરાન access_time 1:22 pm IST

  • રાજકોટ ડાંગર કોલેજમાં બોગસ ડિગ્રીનો મામલો :જિલ્લા ભાજપ મહામંત્રી ભાનુ મહેતાની એસઓજીએ પૂછપરછ કરી :જિલ્લા ભાજપ કાર્યાલયથી ભાજપના અગ્રણી નેતાની અટકાયત :ડાંગર કોલેજના ટ્રસ્ટના પ્રમુખ છે ભાનુ મહેતા access_time 12:40 am IST