Gujarati News

Gujarati News

News of Tuesday, 5th June 2018

આ ડોરબેલ નાખશો તો ઓફિસમાં બેઠા ખબર પડી જશે કે તમારા ઘરે કોણ આવ્યું

નવી દિલ્હી તા. પ :.. ગૂગલ પર દુનિયાભરની માહિતી તમને મળી જાય છે, પણ જો તમે ઘરથી દૂર હો તો તમારા ઘરે કોણ આવ્યું કે ગયું એની ખબર નહોતી મળતી. જો કે હવે ગુગલે ખાસ નવી ટેકિનક ધરાવતી ડોરબેલ તૈયાર કરી છે. નેસ્ટ હેલો નામની આ બેલમાં ફેશ્યલ રેકગ્નિશન ટેકનોલોજી છે. આ બેલ દરવાજા પાસે ઊભેલી વ્યકિતનો વિડીયો રેકોર્ડ કરી શકે છે. વાઇ-ફાઇથી કનેકટ રહેતી આ સ્માર્ટ ડોરબેલમાં વાઇડ એન્ગલ કેમેરા લાગેલો છે. આ કેમેરા દિવસે જ નહીં, નાઇટ વિઝન મોડમાં પણ કામ કરે છે. જેવું કોઇ તમારા ઘરના દરવાજે આવે છે, ડોરબેલમાં લાગેલો કેમેરા વ્યકિતને ઓળખી લે છે અને ઘરની અંદર લાગેલા કનેકટેડ ડીવાઇસમાં તે વ્યકિત જોઇ શકાય છે. જો તમારા ઘરમાં ગૂગલ અસિસ્ટન્ટ સ્પીકર લાગેલું હોયતોઆ ડોરબેલ જાતે જ બોલશે કે ઘરની બહાર કોણ ઊભું છે.જો તમે ઘરે ન હો તો ઘરની અંદરના  વિડીયો-ડીસ્પ્લેને તમે સ્માર્ટ ફોન દ્વારા જોડી શકો છો. ઘરે જે કોઇ આવ્યું હોય તેની સાથે તમે ઓફીસમાં બેઠા-બેઠા વાત કરી શકો છો. તમે ચાહો તો તમે આવનાર વ્યકિત માટે કોઇ સંદેશો મુકવા ઇચ્છતા હો તો એ પણ આ ડોરબેલ પહોંચાડી દે છે. આ ઘંટડીની કિંમત રર૯ પાઉન્ડ એટલે કે ર૦,પ૦૦ રૂપિયા છે. ભારતમાં હજી આ ડોરબેલ કયારે લોન્ચ થશે એ સ્પષ્ટ નથી, પરંતુ ઇંગ્લેન્ડમાં એ ધુમ વેચાય છે. (પ-ર૧)

(3:49 pm IST)
  • ઈરાને પોતાની યુરેનિયમ સંવર્ધન શ્રમતા વધારવાની દિશામાં કામ શરૂ કર્યું :ઈરાને આ માટે 2005માં વિશ્વના તાકાતવર દેશો સાથે થયેલ પરમાણુ સમજૂતી પર મંડરાતા ખતરાને મોટો જવાબદાર ગણાવ્યો છે ;ઈરાનની પરમાણુ એજન્સીના પ્રમુખે કહ્યું કે તેઓ 'નાતાંજ 'ક્ષેત્રમાં આધુનિક સેટ્રિફ્યુઝને વિકસિત કરવાવાળા માળખા પર કામ કરી રહ્યા છે access_time 1:15 am IST

  • ભાવનગર બોરતળાવ ગઠેચી વડલા વિસ્તારમાં આવેલ લાલ ટાંકી પાસે કોળી અને દરબારના જૂથ વચ્ચે અથડામણ :ચાર લોકોને ઇજા ;ડી ડિવિઝનનો પોલીસ કાફલો ઘટના સ્થળે દોડ્યો :બંને જૂથ દ્વારા પોલીસ ફરિયાદની તજવીજ access_time 10:17 pm IST

  • મંગળવારે પેટ્રોલમાં લિટરે 10 પૈસા અને ડીઝલમાં 8 પૈસાનો ઘટાડો થવાની શકયતા :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 77,08 રૂપિયા અને ડીઝલનો ભાવ લિટરે 74,00 રૂપિયા થશે :રાજ્ય પ્રમાણે કરવેરા અલગ થશે:છેલ્લા છ દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 1:23 am IST