Gujarati News

દુબઈ : ખ્યાતિ પ્રાપ્ત કરવા કે પોતાનું કામ દુનિયા જાણે તે માટે અવનવા નુસ્ખા અપનાવવામાં આવતા હોય છે, આજ રીતે એક નુસ્ખો કરી રહેલી મહિલાઓને પોતાનો સ્ટન્ટ મોંઘો પડ્યો છે. દુબઈમાં બનેલી ઘટનામાં મહિલાઓની ધરપકડ પણ કરવામાં આવી છે.

દુબઈમાં મહિલાઓનું એક ગ્રુપ સમૂહમાં કપડા ઉતારીને પેન્ટ હાઉસની બાલ્કનીમાં

સ્ટન્ટ કરી રહ્યા હતા. જેની તેમની ભારે કિંમત ચુકવવાનો વારો આવ્યો છે. આ મહિલાઓની સ્ટન્ટ કરવા બદલ ધરપકડ કરવામાં આવી છે. આ મહિલાઓનો ન્યૂડ થઈને બાલ્કનીમાં સ્ટન્ટ કરવાનો વીડિયો પાછલા અઠવાડિયે વાયરલ થયો હતો.

કહેવાય છે કે શહેરના મરીના વિસ્તારમાં મહિલાઓ બાલ્કનીમાં સ્ટન્ટ કરી રહી હતી. એ જ સમયે કોઈએ સામેની બિલ્ડિંગમાંથી તેનો વીડિયો ઉતારી લીધો હતો. જે પછી આ ઘટના વાયરલ થઈ ગઈ હતી.

આ ઘટનામાં લગભગ ૧૨ મહિલાઓની પોલીસ દ્વારા ધરપકડ કરવામાં આવી છે. પોલીસનું કહેવું છે કે મહિલાનો વ્યવહાર 'અસ્વીકાર્ય' હતો અને આ સંયુક્ત આરબ અમીરાતના નિયમો અને નૈતિકતાને નથી દર્શાવતા. દુબઈના કાયદા મુજબ જે મહિલાઓની ધરપકડ કરવામાં આવી છે, તેમને ૬ મહિના સુધી જેલની સજા અને એક લાખ રુપિયાનો દંડ કરવામાં આવ્યો છે.

એટલું જ નહીં કોઈ ન્યૂડ વીડિયો સોશિયલ મીડિયા પર શેર કરે તો તેની સામે પણ કાર્યવાહી કરવામાં આવે છે. યુએઈના કાયદા પ્રમાણે અશ્લીલ સામગ્રીને શેર કરવી દંડનીય ગુનો છે. દુબઈની પોલીસના નિવેદનમાં કહેવામાં આવ્યું કે ધરપકડ કરાયેલી મહિલાઓ સામે ગુનો નોંધાયો છે. આ મહિલાઓની ધરપકડ કરીને તેમની સામે આગળની કાર્યવાહી કરવામાં આવી રહી છે.દુબઈ પોલીસે અન્ય લોકોને અશોભનીય વ્યવહાર ના કરવા માટેની ચેતવણી આપી છે. આ મહિલાઓની ધરપકડ એવા સમયે થઈ છે જ્યારે દુબઈમાં સાર્વજનિક રીતે કિસ કરવી અને દારુ પીવું વ્યક્તિને જેલ પહોંચાડી શકે છે. જણાવી દઈએ કે દુબઈમાં શરિયા કાયદો લાગુ પડે છે અને તેના પ્રમાણે સાર્વજનિક રીતે અશ્લીલ વ્યવહાર કરવો દંડનીય છે.