Gujarati News

Gujarati News

News of Friday, 5th March 2021

૭૦ વર્ષની ઉંમરે પક્ષીએ આપ્યો બચ્ચાને જન્મ

વિઝડમ નામના વિશ્વના સૌથી વયસ્ક પક્ષી દરિયાઈ પક્ષીએ ૭૦ વર્ષની વયે એના ૪૦મા બચ્ચાને જન્મ આપ્યો છે

લંડન, તા.૫: વિઝડમ નામના વિશ્વના સૌથી વયસ્ક પક્ષી દરિયાઈ પક્ષીએ ૭૦ વર્ષની વયે એના ૪૦મા બચ્ચાને જન્મ આપ્યો છે. વૈજ્ઞાનિકોને ૧૯૫૬માં જયારે લાયસન અલ્બાટ્રોસ પ્રજાતિનું આ પક્ષી મળ્યું ત્યારે એની વય પાંચ વર્ષ હતી એ રીતે જોઈએ તો એની ઉંમર હાલમાં ૭૦ વર્ષ છે.  વિઝડમે ફેબ્રુઆરીમાં હવાઈ ટાપુની ઉત્તરે ૧૩૦૦ માઇલના અંતરે બચ્ચાને જન્મ આપ્યો છે. વિઝડમની વય સામાન્ય લાયસન અલ્બાટ્રોસ કરતાં બમણી કે ત્રણ ગણી હોવાથી એ અત્યાર સુધીના એના તમામ પાર્ટનરને ગુમાવી ચૂકયું છે. આ વિસંગતતાને કારણે જીવશાસ્ત્રીઓ આ પ્રજાતિ વિશે માહિતી એકત્ર કરી રહ્યા છે. અત્યાર સુધીમાં વિઝડમ લગભગ ૩૦ લાખ માઇલ જેટલું ઊડી ચૂકયું છે, જે ચંદ્રની ૬ રાઉન્ડ ટ્રિપના સમકક્ષ છે.

(10:16 am IST)
  • સિડનીમાં શીખો પર હુમલો :કૃષિ કાયદાના વિવાદ કારણભૂત : ભારતના કૃષિ કાયદાને લઈને ઓસ્ટ્રેલિયામાં ભારતીય સમુદાય વચ્ચે મતભેદો વધ્યા :સિડનીના કેટલાક લોકોએ બેસબોલ અને ધોકાથી હુમલો કર્યો : સિડનીના હેરિસ પાર્કમાં અજાણ્યા લોકોના જૂથે બેઝબોલ બેટ, લાકડીઓ અને ધણ સાથે વાહન પર હુમલો કર્યો હતો access_time 12:57 am IST

  • બંગાળની બેટીએ સ્વીકાર્યો પડકાર , હવે ભાજપનો વારો: તૃણમૂલ કોંગ્રેસના વરિષ્ઠ નેતા અને મમતા સરકારમાં પંચાયત રાજ પ્રધાન સુબ્રતો મુખરજીએ કહ્યું પશ્ચિમ બંગાળના મુખ્ય પ્રધાન, ટીએમસી નેતા મમતા બેનર્જીએ ભાજપના પડકારને સ્વીકારી 11 માર્ચે નંદીગ્રામથી ચૂંટણી લડશે હવે ભાજપનો વારો છે. બરાબર જ્યારે તે મેદાનમાં આવે : મંત્રીએ કહ્યં કે બંગાળમાં ખોટા ખબરો અને ખોટા તથ્યોની રાજનીતિ નહીં ચાલે access_time 12:22 am IST

  • બિહારના લઠ્ઠાકાંડમાં કોર્ટે નવ ગુનેગારોને ફાંસીની સજા ફટકારીઃ ચાર મહિલાઓને આજીવન કારાવાસ: બિહારના ગોપાલગંજમાં ૨૦૧૬માં લઠ્ઠાકાંડ સર્જાયો હતો: ઝેરી દારુ પીવાથી ૧૯ લોકોનાં મોત અને દારૂની આડઅસરથી છ લોકોની આંખોની રોશની કાયમ માટે ચાલી ગઈ હતી .. access_time 12:59 am IST