Gujarati News

ઈરાનના ચાબહાર પોર્ટના પહેલા ચરણને રાષ્ટ્રપતિ હસન રૂહાનીએ ખુલ્લુ મુકયુ હતુ. આ અવસરે ભારત, અફઘાનિસ્તાન અને વિસ્તારના કેટલાય દેશોના પ્રતિનિધીઓ હાજર રહયા હતા. ઈરાનના દક્ષીણ પૂર્વ સિસ્તાન બલુચિસ્તાન પ્રોવીન્સમાં બનેલ આ ભાગથી ભારત, ઈરાન અને અફઘાનીસ્તાન વચ્ચે એક નવો રૂટ ખુલશે. આ પોર્ટ શરૂ થવાથી ભારત માટે સ્ટ્રટેજીક અને વ્યાપારીક સહીત કેટલાય કારણોસર ફાયદારૂપ છે. રશીયાના સોચી શહેરથી પરત ફરતા તેહરાનમાં રોકાયેલ ભારતીય વિદેશ મંત્રી સુષ્મા સ્વરાજે ઈરાની મંત્રી જાવેદ જરીફ સાથે આ મુદ્દે વાતચીત કરેલ. ભારત આ પોર્ટ બનવાથી પાકિસ્તાન ગયા વગર જ અફઘાનીસ્તાન અને તેનાથી આગળ રશીયા, યુરોપ સાથે જોડાઈ શકશે. ભારત, ઈરાન અને અફઘાનીસ્તાન વચ્ચે નવો રણનીતીક રૂટ મળ્યો છે. ત્રણેય દેશો વચ્ચે વ્યાપારમાંો વધારો થવાની શકયતા છે. આ પોર્ટ ચીન દ્વારા પાકિસ્તાનમાં ચલાવાતા ગ્વાદર પોર્ટથી લગભગ ૧૦૦ કિ.મી. જ દુર છે.