Gujarati News

Gujarati News

News of Friday, 4th October 2019

૧૦ મિનિટમાં પ૦ પમ્પકિન પાઇ ઝાપટી ગયા આ બહેન

ન્યુયોર્ક તા. ૪ :.. ખાવાનું આમ તો જીવન ટકાવી રાખવા માટેની જરૂરીયાત ગણાય, પરંતુ કેટલાક લોકો પ્રોફેશનલ ઇટિંગ પણ કરતા હોય છે. મતલબ કે ખાવાનું અને બહુબધું ખાઇને લોકોને હરાવવા એ તેમનો ધંધો જ હોય છે. તાજેતરમાં દસમી વર્લ્ડ પમ્પકિન પાઇ ઇટિંગ કોન્ટેસ્ટ કલેરેન્સમાં યોજાઇ હતી, જેમાં કેલિફોર્નિયામાં રહેતાં મોલી શાયલર નામનાં બહેને સ્પર્ધા જીતીને નવો રેકોર્ડ બનાવ્યો હતો. બહેને દસ મિનિટમાં પ૦ પાઇ આરોગી લીધી હતી. આ પહેલાં ર૦૧૭ માં તેણે જ ૪૮ પાઇ ખાઇને વર્લ્ડ રેકોર્ડ બનાવ્યો હતો, જે આ વખતે તેણે જ તોડયો હતો. આ બહેને સ્પર્ધા જીતવાનું ઇનામ અને રેકોર્ડબ્રેક પર્ફોર્મન્સ એમ બેઉ માટે કુલ દોઢ હજાર પાઉન્ડ એટલે કે લગભગ ૧.૦૬ લાખ રૂપિયા કમાયાં હતાં. નવાઇની વાત એ છે કે આટલું બધું ઝાપટનારાં બહેન જાડિયાપાડિયા નહીં પણ સાવ પાતળાં છે.

(11:39 am IST)
  • કોટેચા ચોકથી નાનામવા પુલ સુધીનો કાલાવડ રોડ પહોળો કરવા ૮૭ મિલ્કતોને નોટીસ : લાઇન ઓફ પબ્લીક સ્ટ્રીટ હેઠળ કાલાવડ રોડને બન્ને બાજુએ ૩-૩ મીટર પહોળો કરવા ૮૭ જેટલી મિલ્કતોને નોટીસઃ હવે ટુંક સમયમાં વાંધા અરજીઓની સુનાવણી થશે access_time 3:59 pm IST

  • ૧૪ વર્ષમાં ૩૦ કરોડ લોકોને ગરીબી રેખામાંથી બહાર કાઢ્યા: નીતિ આયોગ ના જણાવ્યા પ્રમાણે 2004થી 2018 વચ્ચે ભારતમાં ૩૦ કરોડ લોકોને ગરીબી રેખામાંથી બહાર કાઢવામાં આવ્યા છે. access_time 9:30 pm IST

  • ગાંધી જયંતિની ઉજવણી દરમિયાન મધ્ય પ્રદેશના રીવા શહેરમાં અસ્થિ કુંભની ચોરી : મહાત્મા ગાંધીના ફોટા ઉપર " રાષ્ટ્રદ્રોહી " લખી અસ્થિ કુંભ ઉપાડી જઈ અજ્ઞાત શખ્સો પલાયન access_time 12:14 pm IST