Gujarati News

Gujarati News

News of Thursday, 4th March 2021

સ્પેસ એકસના રોકેટનું સફળ લેન્ડીંગ : થોડા સમય બાદ થયો વિસ્ફોટ

પૃથ્વી પર ૧૦ મિનિટના ઉતરણ બાદ ભડથુ થયું : એલન મસ્કની કંપનીના મંગળ મિશનને ઝટકો

ન્યુયોર્ક તા.૪ : એલન મસ્કની કંપની સ્પેસ એકસપ્લોરેશન ટેકનોલોજી કોર્પોરેશન (સ્પેસ એકસ)નું નવું અને સૌથી મોટુ રોકેટ પોતાના ત્રીજી ટેસ્ટ ફલાઈટમાં પ્રથમવાર લેન્ડ થઈ ગયું હતું, અલબત, થોડીવાર બાદ જ તેમાં વિસ્ફોટ બાદ આગ લાગી હતી. ખરેખર તો સ્પેસ એકસના સ્પેસ ક્રાફટ સ્ટારશિપ એસએન ૧૦ને સાંજે સવા પાંચ વાગ્યે બોલા ચિકાથી લોન્ચ કરવામાં આવ્યું હતું. કંપનીએ તેનો એક વિડીયો પણ તેની વેબસાઈટ પર જાહેર કર્યો હતો.

આ રોકેટની સફળતા પૂર્વક લેન્ડીંગ સ્પેસ ટ્રાવેલની દિશામાં મોટું પગલું છે. આ સફળતાથી સ્પેસ એકસના સીઈઓ એલન મસ્કની તે યોજના તરફ એક પગલુ આગળ વધવા જે અંતર્ગત તે ૨૦૨૩ સુધીમાં ૧૨ લોકોને ચંદ્ર પર મોકલવા માંગે છે.એ સિવાય પણ તેની નાસાના અંતરીક્ષયાત્રીઓને ચંદ્રની સપાટી પહોંચાડવા અને ત્યારબાદ મંગળ પર પહોંચાડવાની પણ એલન મસ્કની યોજના છે.

પૃથ્વી પર ૧૦ મિનિટના ઉતરણ બાદ તેમાં વિસ્ફોટ થયો હતો. રોકેટને લોન્ચપેડ પર સંપૂર્ણપણે દફનાવવામાં આવ્યું હતું. ફલાઇટ સફળ થતાં જ રોકેટ આગની લપેટમાં આવી ગયું હતું. આ ઘટનાએ યુએસ સ્પેસ કંપનીના મંગળ મિશનને આંચકો આપી દીધા છે.

ટેકસાસ સ્થિત સ્પેસએકસના બોકા ચીકાથી બુધવારે ઉડાન લીધા બાદ સ્પેસએકસ રોકેટ સ્ટારશિપ એસએન૧૦ પૃથ્વીથી લગભગ છ માઇલ (૧૦ કિમી)ની ઉંચાઈ સુધી પહોંચી ગઈ હતી. ઉતરાણ પછી તરત જ તેમાં વિસ્ફોટ થયો. આગ પહેલા ત્રણ પ્રયાસોમાં પ્રથમ સફળ ઉતરાણ સાથે રોકેટ એક મહત્વપૂર્ણ તબક્કે પહોંચી ગયું છે.રોકેટમાં બ્લાસ્ટનું કારણ જાણવા માં આવ્યું નથી. સ્પેસએકસ તરફથી તાત્કાલિક કોઈ ટિપ્પણી કરવામાં આવી નથી. પરંતુ મસ્કે ટ્વીટ કર્યા વિના રોકેટના વિનાશ પર ખુશી વ્યકત કરી હતી. તેમણે એમ પણ કહ્યું કે સ્પેસએકસ ટીમ એક મહાન કામ કરી રહી છે.

(1:27 pm IST)
  • ઇન્કમટેક્સ અધિકારીઓએ આજે ​​ફિલ્મ નિર્માતા વિક્રમાદિત્ય મોટવાને, કે જે ફેન્ટમ ફિલ્મ્સના સ્થાપક સભ્યોમાં હતા, અને ક્વાન ટેલેન્ટ મેનેજમેન્ટ એજન્સીના વિજય સુબ્રમણ્યમના નિવાસ સ્થળો પર દરોડો પાડ્યો છે : ટેક્સ ચોરીના મામલે ફેન્ટમ ફિલ્મ્સ સાથે સંકળાયેલા લોકો પર IT દ્વારા દરોડા પાડવામાં આવી રહ્યા છે. access_time 5:29 pm IST

  • ગુજરાતના રાજયપાલ આચાર્ય દેવવ્રતે આજે કોરોના વેક્‍સીન લીધી access_time 4:42 pm IST

  • સુરતમાં નાના વરાછાની શાળાના ધોરણ 7ના 5 વિદ્યાર્થીઓ કોરોના સંક્રમિત : પ્રાથમિક વિભાગ 14 દિવસ પૂરતો બંધ કરવામાં આવ્યો access_time 10:23 am IST