Gujarati News

Gujarati News

News of Saturday, 3rd February 2018

પ્રદૂષિત પાણીથી એન્ટિબાયોટિક અસર નથી કરતી

નવી દિલ્હી તા. ૩: ફાર્માસ્યુટિકલ કંપનીઓની વેસ્ટ પ્રોડકટ પાણીમાં મિશ્ર થતી હોવાથી જયાં દવા બનાવવાની કંપનીઓ આવેલી છે એ વિસ્તારના લોકોમાં એન્ટિબાયોટિક દવાઓ અસર નથી કરતી એવું એક સ્ટડીમાં બહાર આવ્યું છે. આ સ્ટડી માટે હૈદરાબાદની પસંદગી કરવામાં આવી હતી. કારણ કે ત્યાં ઘણી દવાની કંપનીઓ છે અને એમાંથી નીકળતા વેસ્ટને ટ્રીટ કર્યા વિના અથવા અડધો ટ્રીટ કરીને છોડવામાં આવે છે. આ કંપનીમાંથી નીકળતાં કેમિકલ જમીન માટે પાણીમાં જાય છે અને ત્યાંથી સ્થાનિક લોકોનાં ઘર સુધી પહોંચે છે. દવાઓ બનાવવા વપરાંત કેમિકલોને કારણે પ્રદૂષિત પાણી લોકો પીએ ત્યારે માનવીના શરીરમાં રહેલા બેકટેરિયા અને વાઇરસ એની સામે શકિતશાળી બની જાય છે અને એથી આવી દવાઓ તેમના પર અસર નથી કરતી. આ સિવાય એકસપાયરી ડેટની દવાઓ, દવાઓનાં પેકિંગ અને રેપર વગેરેનો પણ યોગ્ય રીતે નિકાલ કરવામાં આવતો ન હોવાથી એનું પ્રદુષણ ફેલાય છે, જે માનવીઓ માટે જોખમી છે.

(3:46 pm IST)
  • એર ઇન્ડિયાના નવા માલિક અંગે જૂનના અંત સુધીમાં સ્પષ્ટતા થઇ જશે. સરકારનું લક્ષ્ય છે કે ડિસેમ્બર સુધીમાં તેની સાથે જોડાયેલી કાયદાકીય કાર્યવાહી પૂર્ણ કરી લેવાશે. તેના બાદ હરાજીમાં સંપત્તીને ટ્રાન્સફર કરવામાં આવશે તેમ ઉડ્ડ્યન મંત્રી જયંત સિન્હાએ જણાવ્યું હતું. access_time 3:11 pm IST

  • વડોદરાની એમએસ યુનિવર્સિટીમાં પૂર્વ વિદ્યાર્થીએ હેડ ઓફીસમાં આગ લાગી : ફાયર ફાઈટરો ઘટનાસ્થળે : આગ લાગતા ૫૦થી વધુ કર્મચારીઓને ઓફીસની બહાર કાઢવામાં આવ્યા : પૂર્વ વિદ્યાર્થીએ આગ લગાડી હોવાની શંકાએ સિકયુરીટી ગાર્ડે આ વિદ્યાર્થીને ઝડપી લીધો access_time 9:31 am IST

  • પદ્માવત ફિલ્મ ગુજરાતમાં રિલીઝ ન થતા લોકોમાં નારાજગી જોવા મળી રહી છે ત્યારે પોતાના મતવિસ્તારની મુલાકાતે આવેલા ભાજપ સાંસદ પરેશ રાવલે જણાવ્યુ હતું કે કોઇપણ ફિલ્મ પર પ્રતિબંધ ન મૂકાવો જોઇએ. કોઇ સમાજની લાગણી દુભાઇ હોય તો તે સમાજના અગ્રણીઓ અને ફિલ્મ નિર્માતાએ સાથે બેસીને ચર્ચા કરવી જોઇએ અને શાંતિથી કોઇપણ વિવાદનું નિરાકરણ કાઢવું જોઈએ. access_time 2:37 pm IST