Gujarati News

Gujarati News

News of Saturday, 3rd February 2018

પૈસા કમાવા કરી રોડની ચોરી!

અનોખી ચોરી, ૮૦૦ મીટર રોડ ચોરી અને વેચી નાખ્યો!

શંઘાઈ તા. ૩ : પૂર્વ ચીનમાં એક અનોખી ચોરી થઈ છે. અહીં જિંઆગ્સૂ રાજયમાં એક ચોરે કોંક્રીટથી બનેલો ૮૦૦ મીટર રસ્તો એક રાતમાં ચોરીને વેચી પણ દીધો છે. ચીની મીડિયાના રિપોર્ટ અનુસાર ૨૪ જાન્યુઆરીની સવારે સાનકેશુ ગામના લોકો ઉઠ્યા તો તેમણે જોયું કે ગામના મુખ્ય રોડનો એક મોટો ભાગ ગાયબ જ થઈ ગયો હતો.

 

આ ઘટનાથી આશ્ચર્યમાં મુકાયેલા લોકોએ તુરંત પોલીસને ફરીયાદ કરી અને કહ્યું કે રોડનો એક ભાગ આશ્ચર્યજનક રીતે ગાયબ થઈ ગયો છે. શરૂઆતમાં લોકોને લાગ્યું કે, કદાચ એવું બન્યુ હોય કે કોઈ જાહેરાત વગર જ રોડ રિનોવેશનનું કામ શરુ કરવામાં આવ્યું હોય.

 

જોકે પોલીસે આ મામલે વધુ તપાસ કરતા તમને મામલો કંઈક બીજો જ હોવાનું જણાયું. પોલીસ તપાસમાં સામે આવ્યું કે ઝૂ નામના એક વ્યકિતએ મશીન દ્વારા ૮૦૦ મીટર રોડ ખોદી નાખ્યો હતો અને તેમાંથી કોંક્રીટનો ભાગ એક ફેકટરીને વેચી દીધો હતો.

પોલીસે કહ્યું કે, 'ઝૂએ આ રીતે પૈસાદાર બનાવો પ્લાન બનાવ્યો હતો અને તે વિચારતો હતો કે જુદી જુદી જગ્યાએથી કોંક્રીટના રોડને ખોદીને તે પૈસાવાળો બની જશે.' ઝૂએ કહ્યું કે, 'રોડના તે ભાગનો કોઈ ખાસ યુઝ કરતું નહોતું તેથી મને થયું કે આ એક સારો બિઝનેસ મોકો છે. હું તેને વેચીને પૈસા બનાવી શકીશ.'

ઝૂએ લગભગ ૫૦૦ ટન કોંક્રીટ ચોરીને વેચી હતી જેનાથી ૫૧ હજાર રૂપિયાતે કમાયો હતો. આ ચોરીનો મામલો જાહેર થતા સોશિયલ મીડિયામાં તેના સમર્થનમાં અનેક લોકો જોવા મળ્યા હતા. તેમણે ઝૂના આ આઇડિયાને રચનાત્મકતા સાથે સરખાવ્યો અને કહ્યું કે, 'ગરીબીએ તેને રચનાત્મક બનાવી દીધો છે.' તો અન્ય કેટલાક લોકોએ તેની વિરુદ્ઘમાં કોમેન્ટ કરતા કહ્યું કે તેના માટે એવી સજા હોવી જોઈએ કે તેને હવે રોડ બનાવવા માટે કહેવું જોઈએ. (૨૧.૧૧)

(10:17 am IST)
  • અમદાવાદ : અમિતભાઈ શાહના પુત્ર જય શાહે ખાનગી ન્યૂઝ પોર્ટલ (ધ વાયર પોર્ટલ) સામે કરેલી બદનક્ષીની ફરીયાદનો મામલો : આજે મેટ્રો કોર્ટમાં પોર્ટલના એડિટર રોહિણી સિંગ સહિત તમામ કોર્ટમાં હાજર રહ્યા : હવે પછીની સુનવણી ૧૭ માર્ચે access_time 3:33 pm IST

  • રાજસ્થાન – મધ્યપ્રદેશ - ગુજરાતમાં પણ રિલિઝ થશે 'પદ્માવત': કરણી સેના તૈયારઃ મુંબઇઃ દુનિયાભરમાં બમ્પર કમાણી કરી રહેલી પદ્માવત હવે જયાં કરણી સેનાનો વિરોધ છે ત્યાં પણ રિલીઝ થશેઃ આ પ્રકારના સંકેતો સ્વયં શ્રી રાષ્ટ્રીય રાજપુત કરણી સેનાએ આપ્યો છેઃ એટલુ જ નહિ કરણી સેના તરફથી ભણસાલી પ્રોડકશનને ભરોસો અપાયો છે કે અમે રાજસ્થાન, મધ્યપ્રદેશ, ગુજરાતમાં વિરોધ નહી કરીએઃ આ બધુ કરણી સેનાએ એક પત્રના માધ્યમથી કહ્યુ છે access_time 11:57 am IST

  • જાફરાબાદ કોંગ્રેસમાં ભૂકંપ : ચંદુભાઈ બારૈયાએ ભગવો ધારણ કર્યો : અમરેલીના જાફરાબાદ શહેર કોંગ્રેસ પ્રમુખ ચંદુભાઈ બારૈયા ભાજપમાં જોડાઈ જતાં ખળભળાટ access_time 5:55 pm IST