ટોઇલેટ સાફ કરવા જતાં એટલો ઝેરી વાયુ પેદા થયો કે ઘર નહીં આખી ગલી ખાલી કરવી પડી

News of Thursday, 3rd January 2019

ટોઇલેટ સાફ કરવા જતાં એટલો ઝેરી વાયુ પેદા થયો કે ઘર નહીં આખી ગલી ખાલી કરવી પડી

લંડન તા.૩: ઇંગ્લેન્ડના નેલ્સી ટાઉનમાં રહેતી ડોમિનિક હીથ નામની મહિલાને પોતાના ઘરનું ટોઇલેટ સાફ કરવા માટે બે કેમિકલ ભેળવવાનો અખતરો જબરો મોંઘો પડયો. વાત એમ હતી કે તેના દીકરાએ રમતાં -રમતાં એક રમકડું ટોઇલેટના કમોડમાં નાખી દીધું હતું. એને કારણે પોટી પૂરેપૂરી અંદર ફલશ થતી જ નહોતી. એને કારણે ગંદો કચરો બહાર સુધી તરતો રહેતો હતો. એક-બે દિવસ ઘરગુથ્થુ પ્રયોગો કર્યા પછી પણ વાત ન બની એટલે બહેને બે લીટર બ્લીચ લીધું અને એમં કલીનિંગ સાબુ મેળવ્યો અને કમોડમાં નાખ્યો. જો કે એનાથી એટલો ઝેરી વાયુ પેદા થયો કે તેનાં આંખ-નાક અને ગળું બળવાં લાગ્યાં. સફાઇ અટકાવીને તે ટોઇલેટની બહાર આવી ગઇ, પણ આ વાયુ વધતો જ ચાલ્યો. તેણે ઘરમાંથી બહાર નિકળી જવું પડયું. આટલું કમ હોય એમ પાડોશીઓને પણ આ વાયુની અસર થવા લાગી. લગભગ અડધી સ્ટ્રીટના લોકો ઘરની બહાર આવી ગયા. ફાયર-ફાઇટર્સને બોલાવવામાં આવ્યા. એ લોકો પણ ઓકિસજન માસ્ક સાથે ઘરમાં ઘૂસ્યા હતાં.(૧.૪)

(10:02 am IST)