Gujarati News

Gujarati News

News of Tuesday, 2nd March 2021

આ વાઘની ત્રાડ નહીં, ગીત સાંભળવા ઝૂમાં જામે છે ભીડ

મોસ્કો,તા. ૨: બુલબુલનું મીઠું ગીત તો તમે સાંભળ્યું હશે, પણ શું વાઘનું ગીત સાંભળ્યું છે? કદી નહીં. પણ, કાલ્પનિક લાગતી આ વાત સાઇબેરિયાના શહેર બારનૌલના ઝૂમાં રહેલા વાઘના ૮ મહિનાના બચ્ચાએ સાચી ઠેરવી છે. ઝૂમાં રહેલા આ બાળવાઘનું નામ વિટાસ છે. અસંખ્ય લોકો વિટાસના 'કર્ણમંજુલ આક્રંદ'ને ઓનલાઇન સાંભળી ચૂકયા છે અને દેશ-વિદેશના સેંકડો મુલાકાતીઓ બાળવાઘનું ગીત સાંભળવા પાર્કની મુલાકાત લઈ રહ્યા છે.

બારનૌલના એક ઝૂએ તાજેતરમાં એક વિડિયો શેર કર્યો હતો, જેમાં વિટાસ નામનું વાઘનું બચ્ચું પક્ષીના કલરવ અને વાનર જેવો અવાજ એકસાથે કાઢીને એની માતાને બોલાવી રહ્યું છે. જોકે વાઘનો આવો અસામાન્ય સ્વર સાંભળીને કેટલાક લોકોને ચિંતા થઈ છે. એના જવાબમાં ઝૂના એક સ્ટાફ-મેમ્બરે જણાવ્યું કે 'બચ્ચું સ્વસ્થ છે, એના ગળામાં કોઈ તકલીફ નથી. વિટાસનો જન્મ થયો ત્યારથી જ માતાનું ધ્યાન પોતાની તરફ ખેંચવા એ આ રીતે જ એને બોલાવે છે.

(10:31 am IST)
  • દેશમાં કોરોનાના સતત વધતા કેસ :નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો : રાત્રે 12 વાગ્યા સુધીમાં કોરોનાના નવા 14,987 કેસ નોંધાયા :કુલ કેસની સંખ્યા 1,11,39,303 થઇ :એક્ટિવ કેસ 1,67,175 થયા વધુ 13,112 દર્દીઓ સ્વસ્થ થતા કુલ 1,08,10,161 થયા :વધુ 98 લોકોના મોત સાથે કુલ મૃત્યુઆંક 1,57,385 થયા access_time 1:02 am IST

  • મની લોન્ડરિંગ મામલામાં નરેશ જૈન અને તેના સહયોગીઓની 65 કરોડની સંપત્તિ જપ્ત :ઇડીએ મની લોન્ડરિંગ મામલે હવાલા ઓપરેટર નરેશ જૈન અને તેની કંપનીઓ,અને તેની સાથે સંકળાયેલ લોકોની 65.75 કરોડની સંપત્તિ જપ્ત કરી : મણિ લોન્ડરિંગનો આ મામલો 560 કરોડથી વધુનો છે access_time 11:44 am IST

  • ભુજ ન.પા.માં વોર્ડ 2 માં ભાજપે માંગ્યું રી કાઉન્ટીગ: મતમાં ફેરફાર આવ્યા: ભાજપના એક ઉમેદવારની 57 મતે જીત થઇ:.કોંગ્રેસના 3 ઉમેદવાર વિજેતા access_time 12:29 pm IST