વાપીના ગીતાનગર પોલીસચોકીનો કોન્સ્ટેબલ 12 હજારની લાંચ લેતા રંગેહાથ ઝડપાયો

દારૂના ગુન્હામાં વોન્ટેડ મહિલાના ઘેર જઈને હાજર થવા વાતચીત કરીને એક લાખની લાંચ માંગી હતી

વાપી :શહેરમાં ગીતાનગર પોલીસ ચોકીનો પોલીસ કોન્સ્ટેબલ દારૂના કેસમાં 12 હજારની લાંચ લેતા રંગેહાથ ઝડપાયો હતો. વાપી ટાઉન પોલીસ મથકના PSI એ.આર.ગામીતે દારૂના ગુનામાં વોન્ટેડ મહિલા આરોપીની તપાસ કરી રહ્યા હતા.

 ત્યારે મહિલાના ઘરે જઇ ગુનામાં હાજર થવા બાબતે વાતચીત કરી 1 લાખની લાંચ માંગી હતી.10 હજાર રૂબરૂ લઇ અને બીજા 10 હજાર બીજા દિવસે પોલીસ ચોકીએ આપી જવાનો વાયદો કર્યો હતો.

 આ મામલે ACB સમક્ષ ફરિયાદીએ ફરિયાદ કરી છટકું ગોઠવ્યું હતું. જેમાં ગીતાનગર પોલીસ ચોકીનો કોન્સ્ટેબલ રાજુ સોન્યા કામડી PSI ગામીત વતી 10 હજાર અને આ સિવાયના બીજા 2 હજાર રૂપિયા સ્વીકારતા ઝડપાઇ ગયો હતો.