ગુજરાત
News of Monday, 30th November 2020

માલપુર-લુણાવાડા માર્ગ પર આવેલ આંકલીયા ગામે પુરપાટ ઝડપે જતી કાર બેકાબુ બની ડિવાઈડર કૂદી ઝાડ સાથે અથડાતા ગમખ્વાર અકસ્માતમાં ચાલકનું કરુણ મૃત્યુ

મોડાસા:માલપુર-લુણાવાડા વચ્ચેના માર્ગ પર આવેલા આંકલીયા ગામના સ્ટેન્ડ નજીક પુરઝડપે હંકારતી કારના ચાલકે સ્ટીયરીંગ ઉપરથી કાબુ ગુમાવતાં બેકાબુ બનેલ કાર ડીવાઈડર કૂદી રોંગ સાઈડે ઘૂસી ગઈ હતી. માલપુર તરફ થી આવતી કાર સાથે ટકરાઈ જતાં ગમખ્વાર અકસ્માત સર્જાયો હતો. આ જીવલેણ અકસ્માતમાં બેકાબુ બનેલ ઝેન કાર ના ચાલક અને સવારનું કરૃણ મોત નીપજયું હતું.જયારે સામે ની કારના ચાલકે જેઓને પણ આ અકસ્માતમાં ઈજાઓ પહોંચી હતી.તેમની ફરીયાદ ના આધારે માલપુર પોલીસે મૃતક આરોપી ચાલક વિરૂધ્ધ જ ગુનો નોંધી કાયદેસરની કાર્યવાહી હાથ ધરી હતી.

આ અકસ્માતમાં બેકાબુ બની ટકરાયેલ  ઝેન કારનો કચુડલો વળી ગયો હતો.અને કાર ના ચાલક જગદીશભાઈ અમીચંદભાઈ પટેલ ઉ.વ.૩૭ અને કારમાં સવાર રામુભાઈ ભીલ ઉ.વ.૪૦ નાઓનું આ અકસ્માતમાં કરૂણ મોત નીપજયું હતું.વોક્સ વેગન કારના ચાલક વિવેકભાઈ વિનીતભાઈ બજૈલ રહે.૨૯ વાસી,નવી મુંબઈ (મૂળ રહે.નોઈડા-યુ.પી.)નાઓની ફરીયાદ બાદ માલપુર પોલીસે આ જીવલેણ અકસ્માતમાં મૃતક ચાલક વિરૂધ્ધ જ ગુનો નોંધી કાયદેસર ની કાર્યવાહી હાથ ધરી હતી.આ અકસ્માતને પગલે ઘટના સ્થળે લોકોના ટોળા ઉમટયા હતા અને આંશિક રીતે વાહન વ્યવહાર પ્રભાવીત થયો હતો.

(5:21 pm IST)