News of Tuesday, 30th June 2020
વડોદરાની મંગળબજારમાં જાહેરમાં જુગાર રમતા હોવાની બાતમીના આધારે ક્રાઇમ બ્રાન્ચે દરોડા પાડી પાંચ શખ્સોને ઝડપી પાડ્યા
વડોદરા: શહેરની મંગળબજારના એક એપાર્ટમેન્ટ નજીક કેટલાક પથારાવાળા જાહેરમાં જુગાર રમતા હોવાની વિગતોના પગલે ક્રાઇમ બ્રાન્ચે દરોડો પાડી જુગાર રમતા પાંચ જણાને ઝડપી પાડયા હતા.પોલીસે ચાર ટુવ્હીલરો,ચાર મોબાઇલ અને રોકડા રૃા.૨૬૬૨૦ કબજે કર્યા હતા.
પોલીસે પકડેલા જુગારીયાઓમાં (૧) શિવકુમાર હરિકિશોર ગુપ્તા (રહે.મંગળ બજાર,પરિખ સદનનો ખાંચો) (૨) સતિષ ચંદુભાઇ રાઠોડ (રહે.હરસિધ્ધી કોમ્પ્લેક્સ, ચોપદાર ફળિયા,નવાબજાર)(૩) દીપેશ ચંદ્રકાન્તભાઇ પરમાર (રહે.નાની છીપવાડ,વણકરવાસ) (૪) અલ્કેશ સુરેશભાઇ રાણા (રહે.બારદાનની ગલી, જ્યુબિલીબાગ) અને (૫) કુંજન ઠાકોરભાઇ શાહ (રહે.મહેતા પોળ,માંડવી) નો સમાવેશ થાય છે.
(5:29 pm IST)