ભાજપનો નગારે ઘાઃ ગુજરાતમાં લોકસભાની ચુંટણી માટે સમિતિ બનાવી

નિતીન પટેલ, રૂપાલા, આઇ. કે., હીરાભાઇ સોલંકી, શંકર ચૌધરી વગેરેનો સમાવેશ

રાજકોટ તા. ૩૦: આજે પ્રદેશ ભાજપ કાર્યાલય કમલમ્ ખાતે ભાજપના વિવિધ સ્તરના હોદ્દેદારોની શ્રેણીબદ્ધ બેઠકો ચાલી રહી છે. પ્રદેશ પ્રમુખ જીતુ વાઘાણીએ લોકસભાની ચૂંટણી માટે ખાસ સમિતિની રચના કરી છે. તે સમિતિ પાર્લામેન્ટરી બોર્ડ નથી પરંતુ તેનું મહત્વ ચૂંટણીની દ્રષ્ટિએ ઘણું રહેશે તેવું ભાજપના વર્તુળો જણાવે છે. સમિતિમાં હોદ્દાની રૂએ પ્રમુખ વાઘાણી, મુખ્યમંત્રી વિજય રૂપાણી અને સંગઠ્ઠન મહામંત્રી ભીખુભાઇ દલસાણીયા રહેશે.

પ્રદેશ ચૂંટણી સમિતિમાં નીતિન પટેલ,  પરસોત્તમ રૂપાલા, મનસુખ માંડવિયા, કૌશિક પટેલ, ભૂપેન્દ્રસિંહ ચુડાસમા, ગણપતભાઇ વસાવા, આઇ.કે. જાડેજા, ભાર્ગભ ભટ્ટ, ભરતસિંહ પરમાર, શંકર ચૌધરી અને હીરાભાઇ સોલંકીનો સમાવેશ કરવામાં આવ્યો છે.