News of Wednesday, 30th January 2019
અમદાવાદ: કાજીપુરા નજીક પુરપાટ ઝડપે જતી ટ્રકે બાઇકને હડફેટે લેતા બેને ગંભીર ઇજા
અમદાવાદ: શહેર પોલીસ સૂત્રોમાંથી મળેલ વિગત મુજબ ગુલબાઈ ટેકરી અમદાવાદમાં રહેતા રાહુલભાઈ કરશનભાઈ ભાટીયા ગઈકાલે સાંજે મોટર સાયકલ નં. જીજે-૧૨ બીસી-૮૭૪૩ ઉપર સંબંધીને બેસાડી નેશનલ હાઈવે નં.૮ ઉપરથી જઈ રહ્યાં હતા ત્યારે કાજીપુરા રેસ્ટોરન્ટ નજીક પૂરઝડપે આવેલ ટ્રક નં. જીજે-૧૫ એટી-૮૧૧ મોટર સાયકલ સાથે અથડાઈ હતી જેથી બાઈક ચાલક રાહુલભાઈ ભાટીયા (ઉં.વ.૨૫) તથા તેમના સંબંધીને રોડ ઉપર પડી જતાં ઈજા થઈ હતી.
આ બનાવ અંગે રાહુલભાઈ કરશનભાઈ ભાટીયાની ફરિયાદ આધારે ખેડા ટાઉન પોલીસે ગુનો નોંધી કાયદેસર કાર્યવાહી હાથ ધરી છે.
(5:31 pm IST)