ગુજરાત
News of Monday, 28th May 2018

અમદાવાદમાં પોસ્ટલ એજન્ટે દીધો દાદીને દગો : 82 વર્ષની વૃધ્ધાની 19,50 લાખની બચત પચાવી પાડી : ભરોષો તોડ્યો

અમદાવાદઃ અમદાવાદમાં એક પોસ્ટલ એજન્ટ 82 વર્ષની વૃદ્ધા સાથે ઠગાઈ કર્યાની કિસ્સો બહાર આવ્યો છે આ વૃધ્ધાએ વર્ષોથી કરેલી પોતાની 19.5 લાખની બચતને પોસ્ટલ એજન્ટ દ્વારા પચાવી પાડવામાં આી છે.વૃદ્ધાએ પોસ્ટ ઑફિસ બેંકમાં 19.5 લાખ રૂપિયા જમા કરાવ્યા હતા,જે એજન્ટનો ભરોસો કર્યો તે એજન્ટે જ દાદીને દગો આપ્યો હતો આ મામલે વાડજ પોલીસ સ્ટેશને ફરિયાદ દાખલ કરાઈ છે

   પોલીસ મુજબ ભગવતીનગર ડુપ્લેક્સમાં રહેતાં પ્રેરણાબેન ધોળકિયાનો પરિવાર ત્રણ દશકા પહેલાં નવરંગપરામાં રહેતો હતો ત્યારથી તેઓ મહિલા મંડળમાં જોડાયેલાં હતાં. એ સમયે એક મિટિંગ દરમિયાન પ્રેરણાબેન અને તેમના પતિનો સંપર્ક પ્રવિણ શાહ અને તેની પત્ની શિલા સાથે થયો હતો. આ કપલે ધોળકિયા પરિવારને પોસ્ટલ સેવિંગ અકાઉન્ટ ખોલવા માટે આગ્રહ કર્યો. પ્રેરણાબેન અને તેના પતિએ વર્ષોથી વિવિધ સ્કિમ અંતર્ગત રોકાણ કરવાનું શરૂ કરી દીધું હતું. નવેમ્બર 2004માં પ્રેરણાબેનના પતિનું નિધન થયું હતું.

   2012માં પ્રવિણ શાહે સલાહ આપી હતી કે વિવિધ સ્કીમમાં રોકેલ નાણાંને એકિકૃત કરીને વધુ રિટર્ન મેળવી શકાય તેમ છે અને પ્રેરણાબેને તેમની વાત માની લીધી હતી. શાહે પૈસાની ગણતરી કરી તો 19.5 લાખ રૂપિયા થતા હતા. ત્યારે શાહે સલાહ આપી કે 6 વર્ષના લોકઈન પિરિયડવાળી સ્કીમમાં રોકાણ કરીને 12 ટકા વ્યાજ મેળવી શકાય તેમ છે. 6 વર્ષ પછી 33.5 લાખ રૂપિયા મળશે. પ્રેરણાબેન સહમત થઈ ગયાં અને આ સ્કીમમાં રોકાણ કરવા કહી દીધું.

   સપ્ટેમ્બર 2016માં શાહનું નિધન થયું. માર્ચ 2018માં પૈસા મેળવાવ માટ પ્રેરણાબેનની દીકરી જનરલ પોસ્ટ ઑફિસ (GPO) ખાતે ગઈ હતી. જાણીને તેમને આઘાત લાગ્યો હતો કે પોતે દાવો કરી રહ્યાં છે તે પૈસા ક્યારેય પોસ્ટ ખાતામાં જમા જ નહોતા થયા. પ્રવિણ શાહની પત્ની શિલા શાહનો સંપર્ક સાધવામાં આવતાં તેણે કબુલી લીધું કે તેના પતિએ પૈસા જમા કરાવવાને બદલે કોઈને આપી દીધા હતા. શિલા શાહે વાદો કર્યો કે તે રૂપિયા પરત કરી દેશે. 3 મહિના દરમિયાન શિલા તરફથી કંઈ જવાબ ન મળતાં ધળકિયા પરિવારે પોલીસ ફરિયાદ દાખલ કરવાનું નક્કી કર્યું.

(3:25 pm IST)