પોલીસ કર્મચારીઓ ઉપર થયેલ હુમલાની પરેશ ધાનાણીએ વાત કરતાની સાથે જ ગૃહમાં દેકારો મચી ગયો
સુત્રોચ્ચારો થવા લાગતા અધ્યક્ષ દ્વારા મામલો શાંત પાડવામાં આવ્યો
(અશ્વિન વ્યાસ) ગાંધીનગરઃ રાજયમાં દારૂની નવી પરમીટો રિન્યુ કરવા બાબતે શીવાભાઇ ભુરીયા દ્વારા પુછવામાં આવેલ પ્રશ્નના જવાબમાં રાજયના ગૃહમંત્રી હર્ષ સંઘવીએ જણાવ્યુ હતુ કે તા.૩૧/૦૭/૨૧ની સ્થિતિએ ગૃહવિભાગના તા.૩૦/૧૦/૧૮ના જાહેરનામાંથી અરજી ફીના બદલે પ્રોસેસ ફી રૂ.૨૦૦૦ અને મેડીકલ એકઝામીનેશન ફી રૂ.૨૦૦૦ નિયત કરેલ છે.
વિરોધ પક્ષના નેતા પરેશભાઇ ધાનાણીએ ગુજરાત પોલીસને છેલ્લા ૧૦ દિવસમાં પાંચ પોલીસ કર્મીઓને લુખ્ખા તત્વો દ્વારા હુમલો કરવામાં આવ્યાં તેની સરકારને ખબર છે એક તબ્બકે વીરજી ઠુમ્મરે ૨૧૦૦૦ કરોડનું હેરોઇન કૌભાંડ થયુ તેમા સરકારે શું કામગીરી કરી આ તબકકે રાજય ગૃહમંત્રીએ પોલીસતંત્રની કામગીરી બિરદાવતી વાત કરી પોલીસને અભિનંદન આવ્યા.
આ તબકકે ગૃહમાં ભારે હોહો દેકારો અને સુત્રોચ્ચારની શરૂઆત થઇ હતી. અધ્યક્ષ દ્વારા આખરે મામલો શાંત પાડવામાં આવ્યો હતો.