વન વિભાગે 12 કુહાડી અને સાગી લાકડાના મુદ્દામાલ જપ્ત કર્યો

ડાંગ જિલ્લાના ઉત્તર વન વિભાગમાં સમાવિષ્ટ શિંગાણા રેન્જ વિસ્તારના રિઝર્વ જંગલમાં ધોળે દિવસે વૃક્ષછેદનની પ્રવૃત્તિ કરતા 24 લોકોને રંગેહાથ ઝડપી કાર્યવાહી કરતા ફફડાટ ફેલાય જવા પામ્યો છે

મળતી માહિતી મુજબ ડાંગ જિલ્લામાં સુબિર તાલુકાના છેવાડે આવેલ શીંગાણા રેન્જ વિસ્તારમાં વૃક્ષછેદન પ્રવૃત્તિ ખૂબ જોરશોરમાં ચાલી રહી છે.ઉત્તર ડાંગ વન વિભાગના ડીએફઓ અગ્નિશ્વર વ્યાસને મળેલ પૂર્વ બાતમીના આધારે શિંગાણા રેન્જના આર એફ ઓ અને સ્ટાફે જંગલ ચેકીંગ હાથ ધરતા ઢોંગીસાગ અને પોકળ્યાકળમની બારીના વચ્ચેની બાજુ રિઝર્વ કંપાર્ટમેન્ટની 45 માં 24 જેટલા લોકોને ગેરકાયદેસર રીતે સાગી લાકડાની તસ્કરી કરવાની પેરવી કરતા વૃક્ષ કાપતાં રંગે હાથ ઝડપાઇ ગયા હતા. વન વિભાગે તેમની પાસેથી 12 કુહાડી અને સાગી લાકડાના મુદ્દામાલ સાથે ઝડપી લઇ ભારતીય વન અધિનિયમ 1927ની કલમ 26 (1)f મુજબ ગુનો નોંધી 10,હજાર રોકડા નો જામીન પર મુક્ત કરવામાં આવ્યા હતા. શીંગાણા રેન્જ ના આર એફ ઓ એ વધુ તપાસ હાથ ધરી છે.

(9:46 pm IST)