News of Friday, 27th May 2022
વડોદરામાં રખડતા ઢોરે પરિવારના એકમાત્ર કમાનાર વ્યક્તિનો હાથ તોડી નાંખ્યો : પત્ની પણ લકવાગ્રસ્ત
નિઝામપુરા વિસ્તારમાં રખડતી ગાયે મૂળજી ક્રિશ્ચન નામના શખ્સને અડફેટે લેતા હાથ તૂટી ગયો : સિક્યોરિટી ગાર્ડની નોકરી કરતા 65 વર્ષના મૂળજીભાઈ પરિવારમાં એકમાત્ર કમાનારા વ્યક્તિ
વડોદરામાં રખડતાં ઢોરનો ત્રાસ યથાવત છે. તંત્રના પાપને કારણે વડોદરાના નાગરિકો રખડતા ઢોરોનો ત્રાસ વેઠી રહ્યાં છે. હવે આ રખડતા ઢોરો રસ્તા પર ફરતા યમરાજ જેવા બન્યા છે. છેલ્લા કેટલાક સમયથી વડોદરામાં રખડતા ઢોરોએ અનેક લોકોને ઈજાગ્રસ્ત કર્યા છે. ત્યારે રખડતાં ઢોરે વધુ એક વ્યક્તિને અડફેટે લીધો છે. નિઝામપુરા વિસ્તારમાં રખડતી ગાયે મૂળજી ક્રિશ્ચન નામના શખ્સને અડફેટે લઈ જમીન પર પાડી દીધો હતો. જેમાં તેમનો હાથ તૂટી ગયો છે. સિક્યોરિટી ગાર્ડની નોકરી કરતા 65 વર્ષના મૂળજીભાઈ પરિવારમાં એકમાત્ર કમાનારા વ્યક્તિ છે. જેમના કારણે ઘર ચાલતુ હતું, તેમનો હાથ ભાંગી જતા પરિવાર પર આભ તૂટી પડે તેવી સ્થિતિ સર્જાઈ છે
(12:36 am IST)