ફરીથી મોદી સરકારની અનોખી ઉજવણી :હિમતનગરમાં મફતમાં દાબેલીનું વિતરણ
દુકાનની બહાર લોકોની લાંબી લાંબી લાઈનો :. 4000 જેટલી દાબેલીનું વિતરણ કરાયું
સાબરકાંઠા ;કેન્દ્રમાં ભાજપ સરકાર આવવાની ખુશીમાં અનોખી ઉજવણી કરાઈ હતી હિંમતનગરમાં એક દાબેલીની દુકાનના માલિકે ચૂંટણીના રિઝલ્ટ પહેલા પોતાની દુકાનની બહાર એક બોર્ડ લગાવ્યું હતું. જેમાં લખ્યું હતું કે, ચૂંટણીમાં કેન્દ્રમાં મોદી સરકાર આવશે તો ફ્રીમાં દાબેલીનું વિતરણ કરવામાં આવશે.
આ જાહેરાત પછી 354 બેઠક સાથે કેન્દ્રમાં NDAની સરકાર બની હતી, જેના કારણે દાબેલીની દુકાનમાં માલિક દ્વારા 354 પેકેટ પાઉની દાબેલીનું વિતરણ ફ્રીમાં કરવામાં આવ્યું. આમ કુલ અંદાજિત 4000 જેટલી દાબેલીનું વિતરણ કરવામાં આવ્યું. દાબેલી લેવા માટે દુકાનની બહાર લોકોની લાંબી લાંબી લાઈનો જોવા મળી હતી.
અત્રે ઉલ્લેખનીય છે કે, કેન્દ્રમાં મોદી સરકાર આવવાના કારણે ઘણા લોકોએ અલગ પ્રકારે જીતની ઉજવણી કરી હતી. રાજકોટમાં એક પેટ્રોલ પંપના માલિક દ્વારા રીક્ષામાં ફ્રીમાં ગેસ પૂરી આપવામાં આવ્યો હતો. કેટલીક જગ્યાઓ પર ચા અને ખમણનું વિતરણ કરવામાં આવ્યું હતું. રાજકોટમાં એક વ્યક્તિએ પોતાના માથાની પાછળ વડાપ્રધાન નરેન્દ્રભાઈ મોદીનો ફેસ કટિંગ કરાવ્યો હતો