રાજયભરના વાતાવરણમાં પલ્ટો
આજે- કાલે વાદળછાયા વાતાવરણ વચ્ચે કયાંક- કયાંક માવઠાની આગાહી
રાજકોટ,તા.૨૬: રાજયભરના વાતાવરણમાં પલ્ટો આવ્યો છે. ગરમીમાં ઘટાડા અને વાદળછાયા વાતાવરણ વચ્ચે છેલ્લા બે દિવસથી કોઈ- કોઈ સ્થળોએ કમોસમી વરસાદ વરસવાના વાવડ મળી રહ્યા છે. વેસ્ટર્ન ડિસ્ટર્બન્સની અસરના પગલે વાદળછાયુ વાતાવરણ જોવા મળે છે. દરમિયાન આજે અને આવતીકાલે પણ કોઈ- કોઈ જગ્યાએ માવઠાની આગાહી કરવામાં આવી છે.
હવામાન શાસ્ત્રીઓના જણાવ્યા અનુસાર રાજયના અનેક ભાગોમાં વાતાવરણમાં પલ્ટો આવ્યો છે. ૪૮ કલાક વાદળછાયુ વાતાવરણ રહેશે. થન્ડરસ્ટ્રોમના લીધે પવનની ગતિ પણ રહેશે. ઉતર અને દક્ષિણ ગુજરાતમાં પણ માવઠાની શકયતા છે. કમોસમી વરસાદના પગલે ખેડૂતોના પાકમાં નુકશાન થવાની ભીતિ સેવાઈ રહી છે. ખેડૂતોમાં ચિંતાની લાગણી પ્રસરી છે.
દરમિયાન બનાસકાંઠાના સૂઈગામ, ભાભર, વાવમાં પણ વાદળછાયુ વાતાવણ છે. રાજકોટ શહેરમાં આજે પણ વાદળછાયું વાતાવરણ છે. ગરમીમાં આંશિક ઘટાડો થયો છે.