૨૬મી જાન્યુઆરી-૨૦૨૧ પ્રજાસત્તાક દિને હોમગાર્ડઝ, બોર્ડર વિંગ હોમગાર્ડઝ, નાગરિક સંરક્ષણ તથા ગ્રામરક્ષક દળના ૪૨ જવાનોને 'મુખ્યમંત્રીશ્રી ચંદ્રકો' જાહેર

ગાંધીનગર તા.૨૫ઃ રાજ્ય સરકાર દ્વારા હોમગાર્ડઝ, બોર્ડર વિંગ હોમગાર્ડઝ, નાગરિક સંરક્ષણ તથા ગ્રામરક્ષક દળના જવાનો કે જે માનદ સેવા આપી નાગરિકોની સુરક્ષા અને સલામતી માટે પોલીસના પૂરક બળ તરીકે ફરજો બજાવે છે તેઓની પ્રશંસનીય સેવાઓ જેવી કે, વ્યકિતગત હિંમત, શૌર્ય અને લાંબી વિશિષ્ટ સેવા બદલ પ્રતિ વર્ષે એવોર્ડ આપવામાં આવે છે. આ એવોર્ડ અંતર્ગત આ વર્ષે પણ કુલ ૪૨ અધિકારી/સભ્યોની લાંબી પ્રસંશનીય વિશિષ્ટ સેવા બદલ ચંદ્રકો માટે પસંદગી કરાઇ છે એમ ગૃહ વિભાગની યાદીમાં જણાવાયું છે. જેની યાદી આ મુજબ છે.