ચાર..ચાર બંગડીવાળી ગાડી ' ગીતને લઈ કાઠિયાવાડી કિંગ દ્વારા કિંજલ દવેને નોટિસ
કિંજલ દવેને જો કોર્ટમાંથી કોઈ આદેશ કરવામાં આવશે તો મુશ્કેલી ઉભી થઈ શકે
અમદાવાદ : અમેરિકાના હ્યૂસ્ટનમાં કિંજલ દવેના ગરબા પર ભારતીયોએ ઝૂમીને ગરબા કર્યા છે. પરંતુ નવરાત્રી પહેલા કિંજલ દવેને હવે મુશ્કેલીનો સામનો કરવો પડી શકે છે. ગુજરાતના ગાયિકા કિંજલ દવે સૌથી વધુ જે ચાર..ચાર બંગડીવાળા ગીતથી જાણીતા છે તેને લઈને એક નોટિસ જાહેર થઈ છે.
, ઓસ્ટ્રેલિયામાં રહેલા કાર્તિક પટેલ એટલે કાઠિયાવાડી કિંગે થોડા સમય પહેલા ચાર…ચાર બંગડીવાળા ગીતને લઈ પોતાનો દાવો કર્યો હતો. કાઠિયાવાડી કિંગે કહ્યું હતું કે, આ સોંગ તેનું છે અને કિંજલ દવે દ્વારા કોપી કરવામાં આવ્યું છે. ત્યારે કાઠિયાવાડી કિંગ એટલે કાર્તિક પટેલ ભારત પરત આવી ગયા છે. એક તરફ નવરાત્રીના આડે માત્ર કેટલાક દિવસો બાકી છે અને કિંજલ દવેને જો કોર્ટમાંથી કોઈ આદેશ કરવામાં આવશે તો મુશ્કેલી ઉભી થઈ શકે છે.