ડીસામાં પાર્ક પડેલી ગાડીના કાચ તોડીને ગઠીયા બેગ ચોરીને ફરાર
એટીએમ સહિતના જરૂરી દસ્તાવેજ અને સરસામાન ભરેલી બેગની ચોરી
બનાસકાંઠા જિલ્લાના ડીસામાં ટ્રાફિકથી ધમધમતા તાલુકા પઁચાયત પાસેના બસ સ્ટેન્ડ રોડ પર પાર્ક પડેલી ગાડીના કાચ તોડી અજાણ્યા ગઠિયા ધોળા દિવસે બેગ ચોરીને ફરાર થઇ ગયા હતા.
આ અંગેની વિગત મુજબ લાખણી તાલુકાના મટુ ગામના કિશોરભાઈ મેરુજી પ્રજાપતિ ગઈકાલે બુધવારે કામ અર્થે પોતાની ગાડી લઈને ડીસા આવ્યા હતા જ્યાં પ્રથમ બેંકનું કામ પતાવી તાલૂકા પઁચાયત ગયા હતા જ્યાં બપોરે બાર વાગે ગાડી રોડ ઉપર પાર્ક કરી કામ અર્થે તાલુકા પઁચાયત તરફ ગયા હતા જ્યાં કામ પતાવી તરત પરત આવતા ગાડીના કાચ તૂટેલા જણાયા હતા અને ગાડીમાં મુકેલી એટીએમ સહિતના જરૂરી દસ્તાવેજ અને સરસામાન ભરેલી બેગ ગાયબ જણાઈ હતી આ બાબતની ઉત્તર પોલીસ મથકે જાણ કરી હતી તેથી દોડી આવેલી પોલીસે જાહેર રોડ ઉપર લગાવેલા સીસી ટીવી કેમેરાના ફૂટેજ મેળવી ગઠિયાઓનું પગેરું મેળવવાના પ્રયાસો હાથ ધર્યા છે.