ગુજરાત
News of Monday, 23rd November 2020

વડિયા ગ્રામ પંચાયત સરપંચ તથા સદસ્ય દ્વારા નવા ચૂંટણી કાર્ડ કે સુધારા માટે પ્રા.શાળામાં વ્યવસ્થા કરાઈ

(ભરત શાહ દ્વારા) રાજપીપળા : હાલ સરકાર દ્વારા નવા ચૂંટણી કાર્ડ કે  જુનામાં સુધારા,વધારા માટેનો કાર્યક્રમ જાહેર કરાતા નાંદોદના વડિયા ગ્રામપંચાયતના સરપંચ મહેશભાઇ રજવાડી અને સદસ્ય ચંદ્રેશભાઈ પરમાર તરફથી દરેક વ્યક્તિ ને ચુંટણી કાર્ડ નવું કે સુધારા વધારા કરવા માટે વડિયા પ્રાથમિક શાળા ખાતે વ્યવસ્થા ઉભી કરવામાં આવી છે. જેમાં ત્યાં બેસાડેલા BLO દ્વારા આ સેવાનું ફોર્મ ભરવાની કામગીરી ચાલુ કરાઈ છે.

માટે આસપાસની સોસાયટી તેમજ વડિયાના ગ્રામજનોને આ સેવાનો લાભ લેવા પંચાયત દ્વારા જણાવાયું છે.તેમજ આ સેવાની છેલ્લી તારીખ ૧૩/૧૨/૨૦૨૦ હોવાનું પણ જણાવ્યું હતું.

(11:09 pm IST)