News of Monday, 23rd September 2019
વડોદરાના નવા યાર્ડ વિસ્તારમાં પોલીસે શંકાસ્પદ ગૌમાંસનો જથ્થો ઝડપ્યો: 7 આરોપીઓની અટકાયત કરવામાં આવી
વડોદરા: શહેરના નવા યાર્ડ વિસ્તારમાં આવેલા ખાટકીવાડમાંથી પોલીસે શંકાસ્પદ ગૌમાંસ અને ભેંસના માંસનો જથ્થો જપ્ત કરીને સુરત એફએસએલમાં તપાસ માટે મોકલી આપ્યો છે. આ ઘટનામાં મોટાપાયે મળી આવેલા માંસના જથ્થા બદલ સાત આરોપીઓની પણ અટકાયત કરીને તપાસ હાથ ધર્યાનું જાણવા મળે છે.
આ ઘટના અંગે વડોદરાના પ્રાણીના ફાઉન્ડેશનના જીવદયાપ્રેમી નેહા પટેલે જણાવ્યું હતું કે, શુક્રવાર અને રવિવારે બોરસદથી ગૌમાંસનો જથ્થો વડોદરા આવે છે. આ વખતે પણ બોરસદથી મોટાપાયે ગૌમાંસ લાવવામા આવ્યાની માહિતી મળી હતી. જેથી પોલીસને સાથે રાખીને ખાટકીવાડમાં રેડ કરી હતી. જયાં મોટાપાયેલ શંકાસ્પદ ગૌમાંસ અને ભેંસનું માંસ મળી આવ્યું હતું.
(6:05 pm IST)