છેતરપીંડીની વિચિત્ર કિસ્સો :હપ્તા ભરવાના બાકી છે કહીને કિશોર પાસેથી એક્ટિવા લઇને બે ગઠીયા ફરાર

ક્રિકેટના કોચિંગમાં જતા અમદાવાદના ગોતા વિસ્તારના મુદીત અગ્રવાલ સાથે અનોખી ઠગાઈ

અમદાવાદમાં છેતરપીંડીનો વિચિત્ર કિસ્સો બહાર આવ્યો છે ગૌતા વિસ્તારમાં રહેતા જેમાં એક કિશોર પાસેથી બે ગઠિયાઓ તેનું એક્ટિવાનાં હપ્તા ભરવાનાં બાકી છે તેવું કહીને એક્ટિવા લઈને ફરાર થઇ ગયા હતાં. જે અંગે સોલા પોલીસ સ્ટેશનમાં ફરિયાદ નોંધાતા પોલીસે આરોપીને શોધવા ચક્રો ગતિમાન કર્યા છે .

    આ અંગે મળતી વિગત મુજબ અમદાવાદનાં ગોતામાં આઇ.સી.બી આઇલેન્ડમાં રહેતા 17 વર્ષનાં મુદિત ડી. અગ્રવાલ એક્ટિવા પર ક્રિકેટ કોચિંગમાં જઇ રહ્યો હતો.ગોતાનાં મ્યુનિસિપલ કોર્પોરેશનના પાર્કિંગમાં એક્ટીવા પાર્ક કરી રહ્યો હતો. તે દરમિયાન એક્ટીવા પર બે યુવાનો આવીને  બંન્નેએ મુદિતને પોતાની ઓળખ સિઝર (કોર્ટના હુકમથી કબજો લે તે ) તરીકેની આપી હતી

 કથિત સીઝરે કહ્યું હતું કે તમારા આ એક્ટીવાના ત્રણ હપ્તા બાકી છે. એટલા માટે હપ્તા ભરી જજો અને એક્ટીવા છોડવી જજો એમ કહ્યું હતું. બાદમાં આ શખ્સો મુદિત પાસેથી એક્ટીવા લઈને કારગીલ ચાર રસ્તા તરફ ભાગી ગયા હતા.

  આ બનાવનો સોલા પોલીસે ગુનો નોંધીને આગળની કાર્યવાહી હાથ ધરી છે. આ અંગે સોલા પોલીસે જણાવ્યું હતું કે, ' આ એક્ટિવા ફરિયાદીએ રોકડા રૂપિયામાં લીધું હતું. તે છતાંપણ હપ્તા બાકી છે કહીને એક્ટીવા લઈ ગયા હતા.' હાલ પોલીસ સીસીટીવી તપાસીને આગળની કાર્યવાહી કરી રહી છે