News of Monday, 22nd April 2019
વડોદરાના ફતેગંજ વિસ્તારમાં મોબાઈલની દુકાનમાં ક્રિકેટ મેચ પર સટ્ટો રમાડનાર બે શકુનિઓને પોલીસે બાતમીના આધારે ઝડપ્યા
વડોદરા:ફતેગંજ વિસ્તારમાં ધ મોબાઇલ શોપ નામની દુકાનમાં આઇપીએલ મેચ પર સટ્ટો ઝડપાયો હતો. પોલીસે દુકાનદાર સહિત બે વ્યક્તિની ધરપકડ કરી રોકડ, મોબાઇલ, ટીવી સહિત રૃા.૧.૨૩ લાખનો મુદ્દામાલ જપ્ત કર્યો છે.
ફતેગંજ વિસ્તારમાં શુબાઇલાઇટ હોટલની સામે ઇગલ એપાર્ટેમેન્ટમાં નીચેના ભાગે ધ મોબાઇલ શોપ નામની દુકાનમાં મુર્તુજા કુરબાનહુશેન વાસદવાલા મુંબઇ ઇન્ડિયન અને રાજસ્થાન રોયલ વચ્ચેની મેચમાં મુંબઇના દાવા ઉપર હારજીતનો સટ્ટો રમાડે છે તેવી બાતમીના આધારે પીસીબી તેમજ ડીસીબીના સ્ટાફના માણસોએ દરોડો પાડતા દુકાનમાં બે વ્યક્તિ મળી હતી. પોલીસે ક્રિકેટના સટ્ટા માટે રોકડા રૃા.૧૧૫૦૦, પાંચ મોબાઇલ, ટીવીનું સેટટોપ બોક્સ, એલસીડી મળી કુલ રૃા.૧.૨૩ લાખનો મુદ્દામાલ કબજે કર્યો છે.
(5:32 pm IST)