નડિયાદના મહુધામાં પ્રેમ સંબંધને લઈને અણબનાવ: પ્રેમીએ પ્રેમિકાનું ઢીમ ઢાળી દેતા અરેરાટી

નડિયાદ:મહુધા તાલુકાના એક ગામે પ્રેમ સંબંધને લઇ અણબનાવ ચાલી રહ્યો હતો.પ્રેમી દ્વારા પ્રેમીકા પર શંકને લઇ પ્રેમીકાની કરપીણ હત્યા કરવામાં આવતા પંથકમાં ચકચાર મચી છે. મહુધા તાલુકાના બગડુ ગામે રહેતા વિષ્ણુ ચૌહાણના પ્રેમ સંબંધ ગામમાંજ રહેતા ગંગાબેન સોઢા સાથે છેલ્લા ચાર વર્ષથી હતા.

આ પ્રેમ સંબંધને લઇ પ્રેમી વિષ્ણુભાઇ દ્વારા ગંગાબેન સાથે પ્રેમ સંબંધને લઇ ઝગડો થયો હતો.જેને લઇ આરોપી વિષ્ણુભાઇ ચૌહાણ રોષે ભરાતા નજીકમાં રહેલ કોયતા વડે ગંગાબેનના ગળે મારી દેવામાં આવ્યુ હતુ.જેના કારણે ગંગાબેનનુ ધટના સ્થળે મોત નિપજ્યુ હતુ.આ બનાવની જાણ આસપાસમાં થતા લોકોના ટોળે ટોળા ઘટના જોવા માટે ઉમટી પડયા હતા.