રામોલમાં ટ્રક ક્લીનર ઉપર જીવલેણ હુમલા કરવાના કેસમાં ત્રણ શખ્સો ઝડપાયા

 

અમદાવાદ :રામોલ વિસ્તારમાં પશુઓ લઇ જતા ડિસાના ટ્રક ક્લીનરે છરીના ઘા ઝીંકીને જીવલેણ હુમલો કરાયો હતો. આ કેસમાં પોલીસે ત્રણ આરોપીની ધરપકડ કરી છે, જ્યારે લાકડીઓ અને છરીથી હુમલો કરનારા ત્રણ શખ્સોની પોલીસે શોધખોળ હાથ ધરી છે.

  કેસની વિગતો મુજબ બનાસકાંઠાના ડિસા તાલુકાના મહમદપુરા ગવાડી ગામમાં રહેતા ઝહીરભાઇ અબ્દુલ રશીદ કુરેશી ટ્રકમાં છાપીથી ૩૦ જેટલા પાડા ભરીને ભરૃચ જતા હતા. દરમિયાન શનિવારે રાત્રે ૧૨.૩૦ વાગે સોનીની ચાલીથી રાજેન્દ્રપાર્ક ચાર રસ્તા પસાર થતા હતા, આ સમયે લાકડીઓ લઇને અજાણ્યા છ શખ્સોએ આવીને ટ્રકને લાકડીઓ મારીને અમે ગૌ રક્ષકો હોવાનું કહીને બુમો પાડીને ટ્રક ઉભી રખાવી હતી આ સમયે બુલેટ પર બેસીને આવેલા બે શખ્સો પૈકી એક શખ્સે યુવકને પકડી લીધો હતો જ્યારે બીજા શખ્સે તેની પાસેની છરીથી યુવક પર હુમલો કર્યો હતો.