ગુજરાત
News of Thursday, 21st January 2021

અમદાવાદ : પોપ્યુલર બિલ્ડર રમણ પટેલના વેવાઈ મુકેશ પટેલે પુત્રી ફિઝુને આપી જાનથી મારવાની ધમકી : ફરિયાદ

ફિઝુએ તેના પતિ, સસરા અને સાસુ વિરુદ્ધ ઓક્ટોબર મહિનામાં શારીરીક ત્રાસની ફરિયાદ નોંધાવી હતી

અમદાવાદ :પોપ્યુલર બિલ્ડર રમણ પટેલની પુત્ર વધુ ફિઝુએ તેના પિતા વિરૂધ્ધ જાનથી મારી નાંખવાની ધમકી આપ્યાની ફરિયાદ નોંધાવી છે. પોલીસ પ્રોટેક્શન હેઠળ રહેલી ફિઝુને તેના પિતા મુકેશ પટેલે ટેક્સ મેસેજ કરી ધમકી આપી હતી. વસ્ત્રાપુર પોલીસે ગુનો નોંધી તપાસ હાથ ધરી છે.

બોડકદેવ જજીસ બંગલો રોડ પર અતીથી ડાઈનીંગ હોલની ગલીમાં દિપ ટાવરમાં રહેતી ફિઝુ મૌનાંગ પટેલ (ઉં,32)એ તેના પિતા મુકેશ ભગુભાઈ પટેલ (ઉં,60)રહે, હાટકેશ સોસાયટી, દર્પણ છ રસ્તા પાસે, નવરંગપુરા વિરૂધ્ધ ફરિયાદ નોંધાવી છે. Mukesh Patel Fizu Patel

ફિઝુએ પોતાની ફરિયાદમાં જણાવ્યા મુજબ ગત તા. 1-10-2020ના રોજ ફિઝુની પુત્રી આર્યાની જન્મદિવસની પાર્ટી બાદ પતિ, સસરા અને સાસુ ફિઝુની માતાને મહેણાં ટોણા મારવા લાગ્યા હતા. તે સમયે ત્યાં હાજર ફિઝુના પિતા મુકેશ પટેલે આ બન્ને માં દિકરીને મારો તેમ કહી ઉશ્કેરણી કરતા સાસુ, પતિ અને સસરાએ જેમફાવે તેમ બોલી ઝઘડો તકરાર કરી હતી. ફિઝુને નાક પર મારી ગંભીર ઈજાઓ કરી હતી. જે અંગે ગત તા.15-10-2020 ના રોજ પતિ મૌનાંગ, સસરા રમણ પટેલ, સાસુ મયુરીકાબહેન, પિતા મુકેશભાઈ વિરૂધ્ધ વસ્ત્રાપુર પોલીસ સ્ટેશનમાં ફિઝુએ ફરિયાદ કરી હતી.

(11:00 pm IST)