ગુજરાત
News of Tuesday, 13th August 2019

રશિયામાં વિજયભાઇ રૂપાણી ગુજરાતના વિઠ્ઠલભાઇ રામાણી અને લલિતભાઇ અદાણીની ડાયમંડ ફેકટરીની મુલાકાતે : અમદાવાદ આવવા રવાના

ગાંધીનગર : રશિયાના પ્રવાસે ગયેલા મુખ્યમંત્રીશ્રી વિજયભાઇ રૂપાણીએ રશિયાના વાલ્ડીવોસ્ટોક Vladivostok ખાતે ગુજરાતના વિઠ્ઠલભાઈ રામાણીની ડાયમન્ડની ફેકટરીની મુલાકાત લીધી હતી. રશિયાના વાલ્ડીવોસ્ટોક Vladivostok ખાતે ગુજરાતના વિઠ્ઠલભાઈ રામાણી છેલ્લા ૧૮ વર્ષથી ડાયમન્ડની ફેકટરી ધરાવે છે જેમની ફેકટરીમાં આશરે ૫૦૦ જેટલા કર્મચારીઓ કામ કરે છે જેમાં ૩૫૦ થી વધુ કર્મચારીઓ ગુજરાતના છે. ડાયમન્ડની ફેકટરીના કર્મચારીઓ સાથે મુલાકાત કરી હતી. આ ઉપરાંત મુખ્યમંત્રી શ્રી વિજયભાઇ રૂપાણીએ ગુજરાતના લલિતભાઇ અદાણીની એમ. સુરેશ એન્ડ કંપનીની મુલાકાત લીધી હતી. જેનું ૧પ ઓગસ્ટે ખાતમુર્હૂત કરવામાં આવશે. આ કંપનીમાં ર૦૦ જેટલા કર્મચારીઓ કામ કરશે મુખ્યમંત્રી શ્રી વિજયભાઇ રૂપાણી ત્યારબાદ રશિયાના વાલ્ડીવોસ્ટોકથી અમદાવાદ આવવા રવાના થયા હતા જે તસ્વીરમાં નજરે પડે છે.

(4:33 pm IST)