વડોદરાથી દારૂ ભરેલ કાર જંબુસર જતા પોલીસે રંગે હાથે ઝડપી
વડોદરા:થી દારૃ ભરીને જંબુસર જતી કારને વધુ પોલીસે માસર રોડ પાસે ટ્રાફિક જામ કરીને ઝડપી પાડી એક આરોપીને પકડી લીધો હતો.
આ અંગેની વિગત એવી છે કે વડુ પોલીસને પ્રોહિબિશન અંગેની મળેલી બાતમીના આધારે મુવાલ ચોકડી પાસે વોચ ગોઠવી હતી. દરમિયાન એક શંકાસ્પદ કાર આવતા તેને રોકવા માટે પોલીસે ઈશારો કર્યો હતો. પરંતુ કારચાલકે કાર દોડાવી દીધી હતી જેથી વડુ પોલીસ મથકના ઇન્ચાર્જ પીઆઇ એમ.એમ. રાઠોડે માસર રોડ આઉટપોસ્ટ પાસે ટ્રાફિક જામ કરાવ્યો હતો. જેથી દારૃ ભરેલી કારનો ચાલક કાર ઉભી રાખીને ભાગી છૂટયો હતો જ્યારે બીજો આરોપી બળવંત દિલીપભાઇ જાદવ (રહે. તુલસીધામ, બજાણીયાવાસ મકરપુરા રોડ) નાસવા જતા પોલીસના હાથે પકડાઇ ગયો હતો.
પોલીસે કારમાંથી વિદેશી દારૃની ૨૮૭ બોટલો કિંમત રૃપિયા ૧,૧૪,૮૦૦ ની કબ્જે કરી હતી. તથા ભાગી છૂટેલા કાર ચાલક પિન્ટુ સૂર્વે (રહે. સયાજીગંજ) ની શોધખોળ હાથ ધરી છે.