કપડવંજ સહીત કઠલાલમાં જુગાર રમતા હોવાની બાતમીના આધારે પોલીસે દરોડા પાડી 11 શકુનિઓને ઝડપી પાડયા

કપડવંજ: તેમજ કઠલાલ પંથકમાં જુગાર રમાતો હોવાની માહિતીના આધારે સ્થાનિક પોલીસે કપડવંજમાં બે અને કઠલાલ તાલુકા ભરકુંડામાં એક જગ્યાએ દરોડા પાડી કુલ ૧૧ જુગારીઓને પકડી પાડી કાયદેસરની કાર્યવાહી હાથ ધરી છે.

આ બનાવ અંગે મળતી માહિતી અનુસાર કઠલાલ તાલુકાના ભરકુંડામાં રમતા જુગારધામ પર પોલીસે દરોડો પાડતા ચાર ઝડપાયા હતા. જેમાં રસુલમીયાં મલેક, મેલાભાઈ બચુભાઈ ડાભી, ઈશ્વરભાઈ કાળાભાઈ ડાભી અને રાજેન્દ્રભાઈ રમણભાઈ ડાભીનો સમાવેશ થાય છે. પોલીસે તેઓની પાસેથી રૂા. ૫૬૦૦ રોકડા જપ્ત કરી કાર્યવાહી હાથ ધરી છે.

જ્યારે કપડવંજના રામદેવનગરમાં રમાતા જુગારધામ પર દરોડો પાડી વિનોદભાઈ બદાજી મારવાડી, પ્રકાશભાઈ મારવાડી, શક્તિ મારવાડી, સુધાજી મારવાડીને પકડી રૂા. ૭૩૦ રોકડા જપ્તા કર્યા હતા. તેમજ કપડવંજના નંદી દરવાજા વિસ્તારમાં જુગારધામ પર દરોડો પાડીને પોલીસે રોહિતબેગ મિર્ઝા, મોહસીનબેગ મીર્ઝા અને મુસ્તાક શેખને પકડી પાડી રૂા. ૭૧૦ રોકડા જપ્ત કરી કાર્યવાહી હાથ ધરી છે.